O CV Arenal Emevé ten xa ao seu plantel de loitadoras para a vindeira tempada. A última incorporación é a da brasileira Mariana Capovilla, que chega a Lugo para reforzar a posición de receptora.
O seu adestrador, José Valle, recalcou que “é unha receptora experimentada e veterana que militou en equipos moi importantes na Primeira liga brasileira”.
Na súa traxectoria, Capovilla foi campioa de sudamérica sub18 coa Selección Brasileira no apartado internacional. A nivel equipos, competiu para clubs do talle dos brasileiros Valinhos, o Sao Caetano e o Ribeirense portugués. co que logrou o subcampionato no 2007. Tamén militou no Valtra suízo.
Ao Emevé chega procedente do Castelo da Maia, un conxunto que Valle sinala como parecido ás galegas: “A tempada pasada xogou en Portugal, nun equipo con similitudes ao noso, tamén moi xove, no que levou todo o peso de recepción e ataque”.
José Valle: “A tempada pasada xogou en Portugal, nun equipo con similitudes ao noso, tamén moi xove, no que levou todo o peso de recepción e ataque”
Capovilla e Yael, parella de ouro na recepción
Nas filas das loitadoras, Capovilla volverá a formar con Yael Castiglione unha parella que xa tivera excelentes resultados no Valinhos. Un aspecto a destacar para o técnico lucense, quen explica que “esperemos que formen un bo tándem para que tiren das xogadoras xoves e as axuden a sacar e que saquemos o mellor rendemento posible”.
Podes ver aquí algunhas das actuacións de Capovilla co club brasileiro:
No relativo ao resto das xogadoras, Valle apuntou que “todas elas teñen capacidades e actitudes. Que traballemos ben desde o inicio da tempada determinará onde poderemos estar ao final da mesma”.
