O CV Arenal Emevé ten opcións para salvar a categoría, pero ata que non consiga unha vitoria non se fará realidade. Coa derrota ante o DSV CV Sant Cugat (0-3) deste mércores, o soño da permanencia aínda non está afianzado, polo que as loitadoras deberán seguir loitando.
Tras este partido, as lucenses seguen ocupando a décima posición. Nesta 19ª xornada de Liga Ibedrola de Voleibol, todos os conxuntos da zona baixa saíron derrotados dos seus duelos.
O Emevé non tivo opcións de dominar ás catalás
Foi o caso do Emevé, que pronto viu como un contundente Sant Cugat pasáballe por riba. Nun intenso parcial 5-10 as visitantes colleron o control do partido.
José Valle viuse obrigado entón a solicitar un tempo morto para reorganizar ás loitadoras. As súas indicacións non daban resultado contra este duro rival, e co 13-18 no marcador tivo que pedir outra pausa.
O Emevé non reaccionaba e xa daban o set por perdido cando o luminoso informaba do 16-23. Con todo, foron capaces de dar a sorpresa nos minutos finais da primeira manga, cun gran parcial 7-0 que as achegaban ás locais.
A enerxía das loitadoras non foi suficiente para vencer a unhas tamén inspiradas catalás, que afianzaron o primeiro set cun 25-27.
Ter perdido o primeiro tempo malia o espectacular xogo nos intres finais bloqueou ás lucenses para a segunda manga. Un inicio lento, similar ao do primeiro set, fixo que Valle repetise o plan de solicitar un tempo morto para espabilar ás súas xogadoras.
De novo, as indicación do adestrador non foron suficientes para que as galegas arrebatáranlle o partido as catalás, que xogaban a pracer. Neste segundo set, o marcador deixou de contar no 12-25.
Para o que sería o último tempo, o Emevé non sabía reaccionar ante o Sant Cugat. O resultado poñíase cada vez máis costa arriba pero as loitadoras creceron ante a adversidade e deron guerra.
Malia os constantes esforzos das lucenses, a remontada semellaba imposible, e só foron quen de pechar o último set cun axustado 22-25.
A salvación deberá agardar.
FICHA TÉCNICA
0) CV ARENAL EMEVÉ: Audrey Alford, Inma Lavado, Sara Urrea, Lucia Prol, Inés Rivas Fiel, Marta Otero- Inicial-. Tamén xogaron: Cassie Bujan (Líbero), Ainara Burgo, Carla Jiménez, Lidia Figueira (Líbero), Nasia Liagki, Carolina Camino
3) CV SAYRE: Aina Berbel, Raquel Brun, Andrea Bové,
Camila Maldonado, Anna Newsome, Itziar López -Inicial-. Tamén xogaron: Marta García (Líbero), Alba Cardona
SETS: 25-27 / 12-25 / 22-25 (3-0).
ÁRBITROS: Soria Ibazeta e Folgar Fraga
INCIDENCIAS: Partido correspondente á 18ª xornada da Liga Iberdrola de voleibol no pavillón municipal de Lugo a porta pechada.
