O CV Arenal Emevé roza a permanencia cos dedos. A última vitoria con pleno de sets lograda polas loitadoras, contra o Madrid Chamberí (un posto por debaixo das galegas), achega ao club lucense ao obxectivo de evitar o descenso da Liga Ibedrola de Voleibol da RFEVB.
Despois dun arranque de tempada complicado as lucenses comezan a ver a luz ao final do túnel. Esta xornada era vital para achegarse á meta de permanecer na máxima categoría, e o Emevé cumpriu con creces ante un rival directo nesta complicada loita.
A vitoria era necesaria e o Emevé non defraudou
Cun contundente 3-0, as loitadoras dirixidas por José Valle non deixaron escapar a oportunidade de dar un paso importantísimo cara a permanencia.
Desde o inicio do partido, a forte defensa materializada nun bloqueo que actuaba como muralla foi determinante para o éxito das lucenses. Marta Otero e Inma Lavado adiantaban ao seu equipo en ataque, logrando rapidamente unha diferenza notable no marcador respecto ás madrileñas.
O avance sen freos das loitadoras obrigou ao adestrador rival a solicitar un tempo morto, que case lles permite recuperar a primeira manga con catro bolas de set ao seu favor. Non ían baixar os brazos as xogadoras do Emevé quenes, cun block out de Otero, afianzaron o primeiro tempo.
Para o segundo set, as lucenses seguiron mandando na súa pista. Lucía Prol sumaba máis puntos en ataque para o seu equipo desde o saque, situando o marcador aos poucos minutos nun 3-0. As visitantes non se deixaron amedrentar e enseguida igualaron o electrónico, mantendo un pulso man a man coas galegas.
O Madrid Chamberí, preto de facerse co segundo set
A alternancia de puntos rompeuse cando o Madrid Chamberí se adiantou cun 20-22, que case lles merece levarse a segunda manga. Lucía Prol non ía deixar que as madrileñas lles empatasen o partido, e en dúas xogadas volveu a meter ás locais na loita. Dous puntos de Otero cun golpe directo á zona tres rival terminaron por decantar o set para o Emevé.
A vitoria estaba xa moi preto e isto supuxo un estimulo de enerxía para as loitadoras. Se nos dous primeiros tempos o nivel estivo moi igualado, as visitantes acusaron neste set o cansancio mental de intentar a remontada. As lucenses aproveitaron a incercia anotadora das mangas anteriores para seguir puntuando, deixando sen opcións ao Madrid Chamberí.
Con vantaxes de ata dez puntos, o encontro estaba xa decidido. Tres puntos que quedan en Lugo para que as loitadoras suban un posto na clasificación e queden a un punto do Cajasol Voley Dos Hermanas e a oito do DSV CV Sant Cugat.
▀▄▀▄ FINAL ▄▀▄▀
É
Í➋➎-➋➌ ➋➎-➋➌ ➋➎-➊➍
Nos gustaría dedicar esta victoria a la memoria de Magdalena Atanasio y a su familia.
@— cvemevelugo (@cvemevelugo) January 30, 2021
FICHA TÉCNICA
CV ARENAL EMEVÉ: Lucía Prol, Carla Jiménez, Athanasia Liagki, Marta Otero, Inma Lavado e Marie Alford —sexteto inicial—. Tamén xogaron: Cassie Bujan (líbero), Ainara Burgo, Maria Rodríguez e Sara Urrea.
MADRID CHAMBERÍ Mariana Thon, Paula Carpintero, Iva Pejkovic, Inés Villa, Camila Hiruela e Alejandra Olalla—sexteto inicial—. Tamén xogaron: Carmen Pérez-Escariz (líbero), Laura Villasante, María Figueroa, Blanca dela Cuadra- Salcedo e Marta Beltrán..
SETS: 25-23 / 25-23 / 25-14 (3-0)
ÁRBITROS: Carlos Alberto Robles e Juan Antonio Erce.
INCIDENCIAS: Partido correspondente á 17ª xornada da Liga Iberdrola de voleibol no Pazo dos Deportes de Lugo.
O @cvemevelugo deu un paso de xigante para a salvación logo de acadar un gran triunfo contra o Madrid Chambery
Vímolo en directo na nosa web e redifusión na G2 hoxe ás 12:00 pic.twitter.com/idS29u4yxm— En Xogo tvG2 (@EnXogo_tvG2) January 31, 2021
