O 2021 está a ser un bo ano deportivo para o CV Arenal Emevé. A finais do 2020 as loitadoras tiñan sete puntos e agora, algo máis dun mes despois, duplicaron a súa puntuación. Unha cifra que pode ir a máis ás 12:30 horas deste domingo, 7 de febreiro, de vencer ao CV Sayre CC La Ballena.
Dúas vitorias e dúas derrotas dun punto despois, as lucenses están xa na novena posición da Liga Ibedrola de Voleibol, a oito puntos das colistas, o Madrid Chamberí.
Precisamente estas madrileñas foron o último rival das loitadoras, que se levaron o partido. O Emevé acadou un pleno de sets e deu un paso importantísimo cara a permanencia na máxima categoría.
Pola súa banda, as canarias perderon na xoranda anterior por un 3-0, enfrontándose ao CV Kiele, actual terceiro clasificado. Neste duelo o Sayre foi de menos a máis, rozando o empate no último set, pero sen lograr asignarse ningún.
Tampouco correron mellor sorte na recuperación da décimo sexta xornada, no derbi canario ante o CV CCO 7 Palmas, celebrado este mércores, 3 de febreiro. As futuras rivais do Emevé perderon por un 1-3 neste encontro.
Emevé e Sayre medirán forzas
Con todo, malia os resultados e sensacións dispares dos últimos partidos xogados en cada bando, a realidade é que os dous equipos están case empatados.
Só un punto separa a galegas e canarias, coas primeiras unha posición por riba das locais. Ata agora, o Emevé acumula unha vitoria menos que as rivais, pero catro derrotas dun punto máis. Con todo, é importante sinalar que o Sayre ten dous partidos adiados aínda por disputar.
Marta Otero, no 7 ideal da xornada da RFEVB
Os éxitos non chegan sós e xunto aos bos resultados deportivos para as lucenses ven recoñecido o seu gran xogo.
A actuación de Marta Otero no partido ante o Madrid Chamberí foi clave para a vitoria galega. Por iso, a Real Federación Española de Voleibol a incluíu no 7 ideal da xornada, ocupando a posición de terceira mellor receptora e anotadora.
Así mesmo, unha vez máis, Lucía Prol cóase no listado das xogadoras máis destacadas, como a terceira mellor atacante da máxima categoría.
entra en el ” ” tras ser una de las mejores receptoras y máximas anotadoras.
Espectacular partido, que culminó con una importante victoria.
, #
pic.twitter.com/PNJkb6jsls— cvemevelugo (@cvemevelugo) February 2, 2021
José Valle: “O balance é bastante positivo, deportivamente falando”
