Durante esta fin de semana o voleibol galego calentou motores na XXXVII Copa Galicia. No torneo, celebrado en San Sadurniño, o CV Arenal Emevé proclamouse campión tras vencen na final ao CV Zalaeta. O CV Bruxas resultou terceiro clasificado, deixando ao Aceites Abril CVO na cuarta posición.
O campionato da Copa Galicia comezou co enfrontamento entre o Emevé e o Bruxas, que deixou ás primeiras como campioas despois dun contundente 3-0. As lucenses dominaron a primeira manga por un 25-10, gañaron o segundo set cun 25-18 e sentenciaron o partido cun 25-13.
A segunda semifinal da Copa Galicia enfrontaba ao CV Zalaeta co Aceites Abril, con vitoria para as coruñesas. O duelo comexou cun 25-15 a favor das herculinas, que controlaron o partido ata o segundo set, cando as ourensás reaccionaron e venceron por un 20-25. No terceiro set, o Zalaeta volveu coller o mando do encontro, triunfando nun parcial axustado que rematou no 25-21. No último tempo o Aceites Abril perdera ritmo, cedendo por un 25-10.
Desta forma, o Bruxas e o Aceites Abril disputáronse o terceiro e cuarto posto. Nos primeiros compases do encontro, as de Bertamiráns impuxeron o seu xogo, levándose o primeiro set por un 25-11. O segundo tempo cambiou as tornas, con dominio das ourensás, que venceron por un 10-25. No terceiro set, de novo o Aceites Abril era superior na pista de San Sadurniño15-25), obrigando ao Bruxas a reaccionar nun cuarto tempo (25-20). A igualdade era máxima no marcador, polo que foi necesaria unha quinta manga para desempatar o encontro, que finalmente caeu en mans das compostelás cun 15-12 final.
⚔️Remata o encontro! E vaia partidazo!
➡️ 3er/4º posto XXXVIII Copa Galicia:
Club Voleibol Bruxas 🆚 Club Voleibol Ourense
📄 3-2 ( 25-11 /10-25 / 15-25 /25-20/15-12 )#CopaGaliciaFGVb pic.twitter.com/oHTsqL9Rxo— FGVB (@VoleiGalego) September 25, 2021
A gran final disputaríase entre o Emevé e o Zalaeta, equipos de Liga Iberdrola e Superliga 2 respectivamente. Neste encontro, as lucenses fixeron valer a súa superioridade e a experiencia nunha categoría superior para dominar o encontro e levarse o campionato por un 3-1 na final.
Ademais, as loitadoras volveron con outro premio a casa, o de Ainara, nomeada MVP da Copa Galicia.
Desfruta aquí da final da XXXVIII Copa Galicia de voleibol, entre o Emevé e o Zalaeta, ao completo:
