O CV Arenal Emevé mantense na zona media da clasificación tras perder ante o Sant Cugat na novena xornada da Liga Iberdrola. As lucenses entran no esprint final da primeira volta en sexta posición, despois de ceder cun 3-1 no último duelo.
O primeiro set serviu como adianto do desenlace do encontro. Nunha manga igualadísima, as xogadoras adestradas por José Valle estiveron enchufadas ata o empate a 19. Foi nese momento cando as locais, cun parcial 3-0, pergaron o estirón para distanciarse das galegas e apuntarse o primeiro tempo.
O golpe non tumbou ao Emevé, que no arranque da seguinte manga chegou a ter unha vantaxe de cinco puntos. Grazas ao duro traballo das galegas, a través do bloqueo e aproveitando os erros rivais, sa loitadoras lograron poñer o 1-1 no marcador.
No terceiro set, o Sant Cugat fíxose rápido cunha importante vantaxe no electrónico. O técnico de Abadín non lograba o efecto desexado coas súas rotacións, e os erros no saque condenaban ás de Lugo.
A cuarta manga foi de continuos tiróns no xogo e no marcador. O Sant Cugat levaba a iniciativa, pero as galegas presionaban para loitar polo empate. Aínda que foron recortando distancias punto a punto, a ilusión pola remontada rematou no 18-19, cando Aina Berbel apretou o acelerador para que os tres puntos quedasen en Cataluña.
FICHA TÉCNICA
DSV CV Sant Cugat (3): Aina Berbel, Brun, Martínez Calderón, Matamoros, Maldonado, Anna Newsome – sete inicial. Tamén xogaron: García Pérez (Líbero).
CV Arenal Emevé (1): Darlevis Mosquera, Inma Lavado, Mariana Capovilla, Yael Castiglione, Marta Otero, Jimena Fernández – sete inicial-. Tamén xogaron: Eliana González (Líbero), Sara Urrea, Lidia Figueira, Ainara Burgo.
MARCADOR: 25-20 (26’); 24-26 (29’); 25-19 (26’); 25-19 (27’)
ARBITRAXE: David Escobar-Bruno Correa
INCIDENCIAS: Partido correspondente á novena xornada de Liga Iberdrola, disputado no Pavelló de Valldorreix
