O festexo da semana anterior non se poido repetir. Ao Durán Maquinaria Ensino escorrégaselle a vitoria nos últimos segundos do partido fronte o Mann-Filter Casablanca (71-68). As de Zaragoza e os espectadores do equipo local do Stadium non llo puxeron doado as nosas xogadoras. Tampouco Merrit Hempe, a norteamerica, que en tan só sete minutos xa tiña 27 puntos de valoración.
A posesión inicial corría da man do Ensino. Desde o primeiros minutos o partido estivo igualado para ambos e o encargado de estrearse foi das nosas xogadoras. Mais o Mann-Filter (grazas a Merrit Hempe) comenzou a irse só no marcador. Os tiros desde a liña de 6,75 metros entraron con moita facilidade pola canastra. As de Lugo poñían empeño na técnica de tiro pero non corrían a mesma sorte co rival. Ademáis a defensa era un coador. O que fixo que un Carlos Canteiro, enfadado, pedira o seu primeiro tempo morto. Aínda así, os triples de Merrit Hempe foron o pesadelo do Maquinaria (23-13)
No segundo cuarto, as xogadoras do Ensino seguían sen despertar. A falta de rebotes e a defensa facía aumentar a vantaxe no marcador. Pero a falta de cinco minutos o equipo reaccionou. O bo xogo de pés de Bea Sánchez e un triple seu rebaixaron a diferencia no marcador. Nyingifa mellorou tamén o acerto en tiros. Por parte do Mann-Filter, baixaron a intensidade e no tiro xa non estaban moi acertadas. O Ensino gañou o parcial por un único punto: 20-21.
Pensando na vitoria, o reto principal do Maquinaria, nesta segunda metade, era mellorar o porcentaxe de posesión. A pesar de rebaixar a diferencia no marcador a nove puntos (43-34) non podían baixar a intensidade. Polo que as xogadoras puxeron todas as cartas sobre a mesa. Lograron recuperar os puntos ata remontar o partido cunha gran Kalis Loyd desde a liña de triple. O que deu a vitoria do terceiro cuarto para o Ensino: 10-21.
O último período foi un forno para ambos equipos. Al locais metéronse de novo no partido. Conseguiron botar, con cinco faltas, a Britany Miller a bancada. A dupla das norteamaricanas locais, Merrit Hempe e Dillard fixeron moito dano as luguesas. Aínda así, unha gran Nyingifa fixo que o equipo seguira soñando coa victoria. A menos de dous minutos para rematar o marcador estivo prácticamente igualado. Pero Zsofia Simons marcou no momento máis quente e Vega Gimeno anotou a canastra clave para levarse o partido. A falta de vinte segundos, Carlos Cantero pediu outro tempo morto. Só podía preparar unha xogada para marcar un triple e forzar a prórroga. Na reanudación Aina Ayuso comete unha falta sobre Aleksandra Stanacev, o que fai que o Ensino teña dous tiros libres. Pero nos últimos oito segundos, Bea Sánchez, comete unha falta personal e o soño esvárase e as locais deixaron un parcial de 18-13.
A pesar do mal pé, o Maquinaria Duran Ensino aínda pode aspirar a unha plaza na Copa da Raíña. Agora mesmo, só teñen que gañar os dous últimos partidos da primeira volta (rivais como o Ciudad de La Laguna e Embutidos Pajariel Bembibre). Están oitavas na clasificación e empatadas a vitorias e derrotas co Mann-Filter Casablanca e o Nissan Al-Qázeres Extremadura. Na próxima xornada da Liga Endesa recibirán no Pazo Provincial dos Deportes o Ciudad de La Laguna Tenerife, quinto na táboa.
FICHA TÉCNICA
MANN-FILTER CASABLANCA: Zsofia Simon (9), Aina Ayuso (7), Vega Gimeno (14), Diallo Dieng, Kamile Nacickaite (2) —quintento inicial—, Irene Lahuerta (3), Zoe Hernández, Dillard (14), Markovic e Merrit Hempe (22)
DURÁN MAQUINARIA ENSINO: Kalis Loyd (12), Aleksandra Stanacev (11), Nyingifa (19). Britany Miller (2), Bea Sánchez (6) —quintento inicial—, Breedlove (2), Ainhoa López (2), Laura Aliaga (9), Shereesha Richards (1), Fiona Odwyner (4)
PARCIAIS: 23-13, 20-21, 10-21, 18-13
ÁRBITROS: Carlos Javier García León, Juan Gabriel Carpallo Miguelez e Jorge Baena Criado
