O duelo galego será a festa do balonmán esta semana. Por primeira vez esta tempada da Liga Guerreras, o pavillón municipal de Porriño acolle a cita tan esperadaa polas xogadoras de ambos conxuntos. O Conservas Orbe Porriño recibe o sábado (11 de xaneiro, ás 16.15 horas) o Mecalia Atlético Guárdes.
A competición non tivo unhas amplas vacacións de Nadal como desfrutaron no resto de modalidades deportivas. Só descansaron un fin de semana xa que desde o mes de novembro ata mediados de decembro moitas das xogadoras disputaron o Mundial de Xapón.
Polo que ambos clubes chegan en posicións moi dispares. A táboa e a diferenza primordial entre as locais e o Guardés. As de Porriño sitúanse na novena posición con unha vitoria, tres empates e cinco derrotas. Están empatados a puntos con o Aula Alimentos Valladolid.
As xogadoras dirixidas por Isma Martínez acabaron con boas sensacións o 2019. A pesar de perder por un gol ante o Rincón Fertilidad Málaga, as boas sensacións sobre a pista permítelles non perder a ilusión na competición.
Por parte do bloque de A Garda, elas cara o duelo galego están nos postos privilexiados da táboa. As de José I. Prades son terceiras con seis partidos gañados e dous perdidos ante o KH-7 BM Granollers e o Balonmano Elche. No último partido, sumaron o único empate que levan no que vai de Liga, fronte o Liberbank Gijón.
Nos duelos galegos da tempada 18/19 reinou o Atlético Guardés
Mais a tempada pasada, nas dúas citas galegas saiu vitorioso o conxunto de José Prades. Na xornada 11, do ano 2018/19, as porriñenses quedáronse a tan só nove goles do Guardés. Na segunda, o electrónico marcaba unha diferenza máis pronunciada: 27 a 16.
No maxín está presenta as dúas vitorias pasadas. Pero o adestrador rival ten claro que non é doado xogar na casa. Así o apuntou para As Nosas: “Vai a ser un partido moi serio. Os dous puntos serán moi ben recibidos”. En cambio Isma Martínez espera dar a sorpresa: “Esta nova cita intentaremos cambiar esa dinámica porque nós temos que sumar de dous en dous e chegamos con moita ilusión para facelo”.
O preparador do Conservas Orbe destacou sobre o rival como xestionan os finais dos partidos: “Acaban moi ben, ademais de que teremos que controlar moito o seu ritmo de xogo. Desde o principio, buscaremos levar o partido ao noso cauce”
Os aloumiños non só eran para as rivais. Jose I. Prades falou tamén sobre elas: “O seu mellor potencial é o bloque. No tema defensivo son moi fiables. Teñen unha gran calidade en ataque con xogadoras moi contrastadas. O Porriño é un rival moi forte na súa pista”. O adestrador das guardesas pensa que sería un erro xuzgar as locais pola súa situación na clasificación.
Sobre a pista non estarán presentes todas as xogadoras. Polo plantel local, as baixas coñecidas son as de Érika e Sarai. Esta semana esperan que Soraia poda disputar o derbi. Está saíndo dunha escordedura do nocello. Ademais Fátima Suárez está cun proceso vírico e é posible que non poida participar.
O equipo da cidade onde desemboca o río Miño tamén ten varias xogaoras tocadas que esperan que cheguen o derbi. Ainda que non sexa en plenitude de condicións. As baixas que están seguras son as de Morais e Valero.
DATOS DE INTERESE:
CONSERVA ORBE PORRIÑO: Ana Isabel Cerqueira, Ana Alonso, Bárbara Cerqueira, Alicia Campo, Marta Da Silva, Inés Hernández, Fátima Ayelen, Aitana Santome, Andrea Dapena, Anthia Espiñeira, Sandra Fernández, Iasmin Dos Santos, Nagore Saenz e Begoña Otero.
MECALIA ATLÉTICO GUÁRDES: Meriem Ezbida, África Sempere, Sandra Marques, Martina Mazza, Carmen Campos, Lorena Pérez, Estefania Descalzo, Paulina Pérez, Patricia Lima, Cristina Barbosa, Rosario Urban, Carla Gómez e Marisol Carratú.
ÁRBITROS: Luis Colmenero Guillen e Víctor Rollán.
CAMPO: Pavillón Municipal de Porriño – Vigo (Pontevedra)
INCIDENCIAS: Partido correspondente a xornada dez da Liga Guerreras Iberdrona no que se disputa o primeiro derbi galego da tempada entre o Conversas Orbe Porriño (nóveno na táboa) e o Mecalia Atlético Guardés (terceiro)
José Prades: “Teñen unha gran calidade en ataque”
