A última xornada da Primeira División chega cunha nova edición do derbi ourensán. Ourense Envialia e Cidade de As Burgas cítanse de novo no Paco Paz para despedir a primeira fase da competición. A cita será o domingo, 14 de marzo, ás 16:30 horas.
A rivalidade entre ambos conxuntos promete un encontro emocionante e disputado, aínda que sobre a táboa clasificatoria teñan resultados dispares.
Envialia e Cidade chegan en distanciadas na táboa
O conxunto dirixido por Morenín, e que actuará como local nesta ocasión, está na acorado na cuarta posición. Un bo posto, tendo en conta que nas últimas semanas as xogadoras do Ourense Envialia teñen problemas para sumar os tres puntos.
A última vez que o fixeron foi ante o Teldeportivo, o colista do Grupo A, na undécima xornada. Polo camiño, as ourensás deixáronse puntos ante o Penya Esplugues e o Leganés e caeron derrotados ante o Roldán, Futsi Atlético e o Poio Pescamar.
Pola súa parte, o cadro de Manolo Codeso está nunha situación case límite. Con seis puntos obtidos nunha solitaria vitoria e tres empates, as tamén ourensás son penúltimas e ven perigar a súa permanencia.
A 17ª xornada foi de descanso para as xogadoras do Cidade de As Burgas, polo que chegan máis frescas ao derbi. Porén, antes desta xornada de desconexión, as galegas perderon na súa visita ao Futsi Atlético cunha goleada 9-0.
Pero a derrota que máis marcou ao Cidade foi ante o Teldeportivo. O encontro coas canarias pode ser decisivo para a permanencia. Polo de agora, as ourensás seguen por diante, pero as distancias acurtáronse.
O primeiro derbi da tempada foi para as de Morenín
O Paco Paz xa foi testemuña esta tempada dun derbi ourensán na novena xornada. O resultado foi favorecedor para o Envialia, que sumou tres puntos cos seus tres goles a un ante o Cidade.
As de Codeso caeron derrotadas, pero non sen pelexar. As verdibrancas deixáronse a pel ata o final pero as de Morenín foron máis fortes.
O Envialia lévase o derbi ourensá vencendo ao Cidade de As Burgas por 1-3
Como podo ver o derbi ourensán de futsal?
A afección poderá acudir ao Paco Paz para ver o partido en directo. Para comprar as entradas, deberán enviar un mail a ourensecf@ourensecf.es co seu nome, apelidos, DNI e teléfono antes do sábado ás 12:00 horas ou ata que non queden máis entradas.
As persoas que non poidan acudir ao pavillón poderán seguir o encontro a través da TVG2.
📣 ENTRADAS A LA VENTA 📣
1DIV // J18 // PACO PAZ // 13/03 · 16:30H // OURENSE ENVIALIA FSF · @cidadeasburgas
📺 TVG2 @tvgalicia
‼️COMPRA ENTRADA PARA EL DERBI‼️
📅LÍMITE
13/03 · 12:00H O FIN DE EXISTENCIAS📧MAIL A ourensecf@ourensecf.es
NOMBRE, APELLIDOS · DNI · TLF pic.twitter.com/9gFqrTYeZx— Ourense Envialia FSF (@OUenvialiaFSF) March 11, 2021
