A 18ª xornada da Primeira División do Voleibol feminino chegou con derbi galego na Coruña. A cita reuniu ao CV Calasancias Coruña e ao CV Bruxas, nun duelo que finalizou con vitoria para as de Ames, cun 0-3 final.
O encontro, celebrado no Barrio das Flores, enfrontaba a dous conxuntos galegos que ocupan a metade da táboa clasificatoria. As coruñesas do Calasancias chegaban nunha sétima posición, mentres que as xogadoras do Bruxas o facían unha por riba, na sexta.
Separadas por seis puntos, e tendo un partido máis disputado as herculinas, o encontro desenvolveuse marcado pola superioridade visitantes malia a igualdade sobre a pista.
Os dous primeiros sets decidíronse nos instantes finais a favor do Bruxas, ante un Calasancias que apretaba pero non se impoñía. As dúas mangas remataron cun 23-25.
Porén, para o último tempo as visitantes non tiveron que esforzarse tanto para levarse o set. O cansancio pasoulle factura ás herculinas, que caeron derrotadas 18-25.
Cando o Bruxas gaña o fai contundentemente, e así foi tamén na Coruña. As xogadoras de Bertamiráns acumulan sete vitorias esta tempada, todas elas de tres puntos, o que lles merece acumular 22 puntos.
Pola contra, o Calasancias só acumula catro vitorias de tres puntos e unha derrota dun punto, polo que suman 13 puntos no seu casilleiro.
