Catro vitorias seguidas e triunfo por 0-4 a domicilio ante o CDE Racing Féminas para o RC Deportivo ABANCA. As xogadoras que adestra Miguel Llorente xogou o partido cun frío importante logo dunha sarabia caída sobre o Campo de Santa Ana, en Tanos (Torrelavega) cando se facía o sorteo de campos. Foi tal que trío arbitral e xogadoras tiveron que ir resguardarse.
Desde o inicio do choque o Dépor ABANCA saíu a por todas. Así, aos seis minutos de partido chegaba o primeiro gol nas botas de María Ruiz que fixo o gol e provocou o erro previo da zaga local ao presionar á porteira Sara Serrat e forzar unha cesión imprecisa que propiciu o gol da futbolista branquiazul.
Media hora do #RacingFéminasDéporABANCA!
🦋 #VoemosXuntas 💙 #MoitoPorVivir pic.twitter.com/98YSZxHAkM
— RC Deportivo (@RCDeportivo) December 5, 2021
Tres goles máis tras o descanso
Pese ao dominino das deportivistas, houbo que agardar até a segunda metade para presenciar outro tanto visitante. Eso si, foi antes de cumprirse o minuto de xogo do segundo acto cando o Dépor ABANCA volvía a marcar afogando así calquera aspiración das cántabras por darlle outro estilo ao partido tras o paso por vestiarios. O tanto asinouno Ainhoa Marín (0-2). Outra vez unha imprecisión entre Titay Márquez e a gardameta Sara Serrat fixo posible a ocasión que a deportivista non deixaba pasar.
Esa vantaxe de dous tantos permitiu ás galegas xogar sen presa tocando o balón e gozando do control do partido e da posesión do esférico.
Os outros dous goles do Dépor ABANCA chegarían no minuto 81, por medio de Aroa Guerra, e no 85, no que de novo María Ruiz vía porta.
O RC Deportivo ABANCA pode poñerse líder a vindeira fin de semana
O RC Deportivo ABANCA sitúase con este triunfo en terras cántabras segundo na táboa clasificatoria con 28 puntos logo de 11 xornadas disputadas na liga Reto Iberdrola. A vindeira fin de semana as galegas veranse as facianas coas líderesas: o FC Levante Las Planas. A diferencia entre ambos os dous equipos é de dous puntos, polo que as coruñesas teñen unha clara ocasión de encaramarse ao máis alto da clasificación e ofrecer ese posible triunfo e liderado á súa afección na Cidade Deportiva de Abegondo. O partido será retransmitido pola TVG2.
FICHA TÉCNICA
0) CDE RÁCING FÉMINAS: Sara Serrat, Andrea Totana, Marina Martín, Titay Márquez, Ali Ruiz, Henar, Silvia, Yuki Togawa (Elexa Bahr, min. 46), Laura Camino, Laura Viñas (Paloma, min. 67) e Adubea (Naara, min. 77).
4) RC DEPORTIVO ABANCA: Ana Valles, Cris, Inés Altamira, Raquel García, Patri López (Andrea Sierra, min. 84), Paula Gutiérrez (María Figueroa, min. 84), Carlota (Jone Ibáñez, min. 73), Ainhoa Marín, Alejandra Serrano (Eva Dios, min. 58), María Ruiz e Adule (Aroa Guerra, min. 58).
GOLES: 0-1 María Ruiz (min. 6); 0-2 Ainhoa Marín (min. 46); 0-3 Aroa Guerra (min. 81); 0-4 María Ruiz (min. 85).
ÁRBITRO: Campelo Núñez (c. cántabro). Sen cartóns.
INCIDENCIAS: Partido correspondente á undécima xornada da liga Reto Iberdrola disputado no Campo de Santa Ana, en Tanos (Torrelavega).
