O R.C. Deportivo presenta este luns, 26 de xullo, a súa nova campaña de abonos. Co Dépor ABANCA en Reto Iberdrola, e o primeiro equipo masculino en Primera RFEF, o club anuncia o procedemento para renovar os carnés.
Desde hoxe, as persoas que foran socias na tempada 2020/2021 poderán renovar o seu asento, quedando á espera as novas altas, con data aínda por anunciar por parte da entidade. O propio club insistiu na importancia dos abonos, debido a que serán a principal fonte de ingresos para toda a estrutura branquiazul.
Renovacións telemáticas
Polo de agora, as renovacións deberán realizarse de maneira telemática. O Deportivo pon a disposición da afección varias canles para facelo.
Unha opción é de maneira online, dispoñible as 24 horas, a través desta ligazón, tendo como alternativas a liña telefónica de ABANCA no 981 910 544, de luns a sábado de 08:00 a 22:00 horas, ou mediante transferencia bancaria.
Nestes casos, a persoa socia recibirá o seu carné no seu domicilio, sen ningún custe extra polo envío, nun período estimado de 20 días desde a renovación.
O propio club insistiu na importancia de comprobar os datos e a dirección de envío, para evitar retrasos na entrega dos carnés.
Para renovar o abono do Deportivo presencialmente haberá que agardar ata o 16 de agosto, sempre solicitando cita previa para acudir á Oficina de Atención ao Deportivista. Este servizo, só posible cando non se puido renovar telemáticamente por causas de forza maior, seguirá ata o 21 do mesmo mes. Durante o mesmo mantéñense as opcións telemáticas.
E se quero cambiar de localidade?
A liberación de asientos daquelas persoas socias que non renovaran realizarase a partir do luns 23 de agosto. Desde esta data, aquelas persoas que xa renovaran o seu abono poderán proceder á solicitude de cambio de localidade.
Estas modificacións poderán realizarse ata o 27 de agosto de maneira presencial solicitando cita previa nesta ligazón.
Quero darme de alta no Deportivo, cando poderei facelo?
Aínda non hai data para as novas altas. O Deportivo anunciou este luns que polo momento non se realizarán altas de abonos con localidade ata que se poida garantir o aforo a toda a afección socia durante a tempada 2020/2021.
O Deportivo compensa ás socias
Seguindo a Campaña de Compensación iniciada na tempada 2019/2020, polos partido que non se puideron disputar da segunda volta da competición masculina, o club establecerá a “Cuota de Abono” a aquelas persoas socias que solicitaran a opción “Monedero Dépor”.
Ditas socias verán descontado o importe correspondente á compensación desa tempada no total do abono da presente tempada automáticamente no proceso de renovación telemática.
Tipos de abono para persoas e tamén para mascotas
Despois da atípica tempada 2020/2021, o Deportivo volve a contar con abonos de valor completo. Desde a entidade coruñesa recordan que o mesmo servirá para acceder aos partidos do equipo masculino, así como os do Dépor ABANCA, Fabril, Xuvenil e canteira.
Para este curso, ademais dos tipos habituais de abono, hai algunhas novidades:
- Normal. Abono xeral, sen bonificación, e transferible a calquera persoa
- VIP. Acceso aos Palcos VIP privados de Preferencia Superior para as empresas que queiran presenciar os encontros cun ambiente exclusivo. Acceso á Área 1906 en Tribuna Inferior, detrás dos bancos. Pode pedirse máis información no mail areasvip@rcdeportivo.es
- Bonificado. Estes abonos son só transferibles a outras persoas que cumpran os mesmos requisitos.
- Maiores de 65. Para as persoas nadas antes do 31/12/1956.
- Diversidade funcional. Persoas que teñan recoñecida unha discapacidade igual ou superior ao 33%.
- Desempregado. Persoas demandantes de emprego expedida polo SEPE.
- Sub 25. Persoas nadas entre o 01/01/1996 e o 31/12/2005.
- ADN Branquiazul. Persoas nadas despois do 01/01/2006.
- Grada familiar. Cun mínimo de tres membros da mesma familia.
- Grada peñas deportivistas. Cun mínimo de tres persoas da mesma peña. Situada en Preferencia Superior Córner Impar.
- Grada estudantes. Para estudantes universitarios, presentando o Carné Universitario ou matrícula do ano académico en curso.
- Grada especial nen@s. Para deportivistas menores de 15 anos. Situada en Pavillón Superior Impar.
- Socio Amigo. Deseñado para a afección que reside fóra da Coruña. Poderán manter a antigüidade e asistir a un encontro de Primera RFEF ou os partidos de Abegondo.
- Nen@ Dépor. Para bebés de entre 0 e 2 anos.
- Carné mascota. As Mascotas Deportivistas terán o seu propio carné, con foto, número de socio e antigüidade.
A principal novidade desta tempada é o carné para as mascotas. Un 15% do prezo deste abono destinarase ás principais protectoras de animais da cidade da Coruña. Ademais, servirá como desconto e vantaxes en diversas empresas do sector.
Os precios dos abonos varían entre os 152 e os 452 euros no abono normal, cun precio medio de 185 euros.
Limitacións de aforo
O Deportivo non pode garantir que todos os socios acudan ao estadio, xa que cómpre seguir as regulacións e limitacións do aforo dispoñible.
Neste sentido, o club ifnorma de que se o aforo redúcese a un número inferior que o número de abonados, a entidade devolverá o importe correspondente ás persoas afectadas. Nestes casos é necesario solicitar unha prereserva de entradas.
Non se verán recompensadas aquelas persoas socias que non prereservaran entrada neste suposto. A prioridade do Deportivo é garantir o aforo dos xa socios, por este motivo, as novas altas deberán agardar á confirmación do aforo final por parte das autoridades.
Convenio co Liceo
Ademais do acceso aos partidos do Dépor ABANCA, por cinco euros máis poderáse acceder co mesmo carné aos encontros do Deportivo Liceo, nun proceso de alta como abonado verdibranco que pode xestionarse no proceso de renovación branquiazul.
