Polo momento as xogadoras liceístas que adestra Carlos Loureiro non coñecen a derrota na Ok Liga Prata. O Deportivo HC Liceo colleitaba esta xornada un contundente trunfo por 0-9 na cancha do Gatikako Iusturi.
O conxunto adestrador polo dúo conformado por Julio Pérez e o adestrador coruñés José Ares, non foi rival para o Deportivo Liceo que foi colleitando goles desde o arranque do choque até o final. Naiara Vaamonde con tres goles foi a máxima goleadora do partido seguida de preto polas súas compañeiras Lucía Luchy Paz e Beatriz Gaete con dous tantos cada unha na súa conta particular.
O conxunto liceísta se colocaba por diante no marcador xa aos 3 minutos de xogo cun gol de Naiara Vaamonde, quen, ao final sumaría tres tantos na súa conta particular. O segundo tardou un pouco máis en conseguilo e foi logo de varias chegadas das locais. Nunha delas Katy Guscin tivo que emplearse a fondo para gañarlle a partida a Jessica Zubia nun man a man.
Antes de chegar ao descanso Lucía Paz, Luchy, conseguiría o 0-3, Naiara o seu triplete 0-4, e de novo Luchy anotaba desde lonxe para poñer o 0-5 no electrónico do pavillón de Gatikako antes do paso por vestiarios.
A chilena Beatriz Gaete foi quen asinou o 0-6 e o 0-7 nada máis empezar a segunda metade. Por se ás locais se lles ocurría buscar a remontada, o Deportivo Liceo deixou claro que non ía deixar escapar o trunfo. Caeron aínda dous goles máis. O 0-8 foi obra de Isa Barros e o 0-9 de Cris Diz.
Este triunfo coloca ás galegas líderes con sete puntos sumados dos nove que podería ter colleitado. Inmediatamente despois están as tamén coruñesas do HC Borbolla con seis puntos pero un partido menos e, polo tanto con pleno de trunfos e tamén invictas. O terceiro posto é para o CP Alcorcón con dous partidos xogados dos cales gañou un e empatou o outro.
Dúas semanas de parón ten por diante agora a categoría de prata do hoquei sobre patines feminino español. Polo tanto, abril contará con so dous partídos oficiais para o Deportivo Liceo. O primeiro será co Rochapea, e o segundo, co HC Borbolla. o día 24 de abril, un derbi coruñés que podería decidir o primeiro posto vistos os resultados colleitados por ambos conxuntos herculinos até o momento.
FICHA TÉCNICA
0) GATIKAKO IUSTURI: Marina Torre, Garazi Bilbao (C), Isturitxe Aurrekoetxea Garrido, María Sevillano Isasi, Jessica Zubia Cobos – quinteto inicial -. Tamén xogaron: Uxue López Sanz e Irati Sarria Montilla. Micaela Torre Durán (P.S.)
9) DEPORTIVO HC LICEO: Catherine Guscin Bernal, Alejandra Martín Amigo, Naiara Vaamonde Couto, Beatriz del Carme Gaete Salinas e Lucía Paz Aldrey – quinteto inicial -. Tamén xogaron: Isabel Barros Rodríguez, Inés Temprano Veiga e Cristina Diz Gómez. Noemí Uzal Fraga (P.S.).
GOLES: 0-1 (min. 3) Naiara Vaamonde. 0-2 (min. 15) Naiara Vaamonde. 0-3 (min. 16) Lucía Paz Aldrey. 0-4 (min. 22) Naiara Vaamonde. 0-5 (min. 25) Lucía Paz Aldrey. 0-6 (min. 26) Bea Gaete. 0-7 (min. 26) Bea Gaete. 0-8 (min. 41) Isabel Barros Rodríguez. 0-9 (min. 47) Cristina Diz Gómez.
ÁRBITROS: Diego Rodrigo del Campillo. Non amosou cartóns azuis.
INCIDENCIAS: Partido correspondente á terceira xornada da Ok Liga Prata feminina da FEP, disputado no polideportivo da localidade de Gatika (Bizkaia).
