O vindeiro domingo 8 de marzo o HC Deportivo Liceo recibirá na súa cancha ao HC Cambre en partido pendente de se disputar correspondente á terceira xornada da Liga Senior Autonómica de hoquei sobre patíns. O cruce está fixado para as 10:00 da mañá no Colexio Liceo La Paz da Coruña.
As verdibrancas afrontan este enfrontamento coas cambresas coas ausencias de dúas xogadoras. Non poderán estar ás ordes de Ares nin Juanita, que segue lesionada, nen Isa Barros que tamén está a recuperarse dunha lesión. Tamén se agardan ausencia no cuadro visitante.
Noemí Uzal, membro do corpo técnico do HC Deportivo Liceo que encabeza Ares, falaba precisamente das baixas y comentaba que no cuadro liceísta agardan que o partido sexa “complicado. Non sabemos se elas polas baixas que presentan farannos unha defensa pechada, pero intentaremos poñer un ritmo alto de partido e tratar de decantar o antes posible o marcador o noso favor”.
Apuntan polo tanto as locais a que sairán a por todas desde o primeiro minuto de xogo. Enfronte, as xogadoras do conxunto visitante non llelo porán doado, son terceiras cun partido gañado e outro empatado.
O cadro coruñés aspira a loitar polo ascenso ao final desta liga regular, así que debe vencer e empezar a escalar postos na táboa ata colocarse nos catro postos que dan opción a xogar a final a catro, e de aí, acceder á final e con elo á fase de ascenso estatal que terá lugar en xuño. Así o confirmaba, desde o equipo de Ares, Noemí Uzal: “A nosa aspiración, por suposto, é gañar e ascender postos na clasificación”.
O partido desde domingo entre Liceo e Cambre será arbitrado polo colexiado Francisco José Martínez Suárez.
