As nenas e nenos ingresados nestas datas de Nadal no Hospital Materno Infantil Teresa Herrera recibiron durante o día de hoxe a visita dunha representación do Real Club Deportivo, encabezada polo presidente Juan Antonio Armenteros e a vicepresidenta da Fundación, Oliva Figueira.
As capitás do Dépor ABANCA, Teresa Abelleira e Iris Arnáiz, entre outros integrantes do club, foron as encargados de repartir agasallos, autógrafos e sorrisos entre todos os pequenos e o persoal do Materno Infantil.
A gran novidade deste ano é que ademais dos balóns, bufandas, gorros e xoguetes do Dépor para os ingresados, tamén se fixo entrega ao hospital de “As batas máis fortes”. Como se pode apreciar nas fotos, son batas para uso dos pequenos durante a súa convalecencia, confeccionadas a partir de camisetas de xogo do equipo.
Estas camisetas teñen un deseño propio e formato un pouco diferente ao orixinal (apertura frontal) por protocolo do hospital. As batas producíronse en colaboración co hospital Materno Infantil Teresa Herrera seguindo as pautas e o deseño establecido polos seus coordinadores e sendo avaliadas no contexto da comisión de humanización de Pediatría.
Miriam Ríos e Patri Díaz visitaron aos peques no HM Belén representando ao Dépor
As futbolistas Miriam Ríos e Patri Díaz, en representación de Dépor ABANCA, foron os encargados, xunto ao presidente Armenteros e Oliva Figueira, vicepresidenta da Fundación, de repartir sorrisos e sorpresas entre os recentemente nados e os pequenos ingresados nestas datas no Hospital HM Belén, patrocinador do Club. Tamén estiveron presentes outros representantes do club como Somma, Lampropoulos, Carles Grau y Marc Grau.
O persoal do centro e os seus familiares tamén tiveron a oportunidade de compartir uns minutos cos Reis Magos Deportivistas.
