O reloxo inicia a conta atrás para o Dépor ABANCA. As branquiazuis teñen por diante seis retos para lograr a permanencia na Liga Iberdrola. A primeira final a xogarán en casa, ante un RCD Espanyol que tamén loita pola supervivencia na máxima categoría. O encontro terá lugar este sábado, 15 de maio, ás 16:00 horas (GOL).
A propia capitá do conxunto branquiazul advertía esta semana en rolda de prensa da importancia do encontro. Iris Arnaiz aseguraba que “o afrontamos como unha gran final. É o partido máis importante que temos”.
Iris Arnaiz: “Esta é a nosa última oportunidade de seguir enganchadas á permanencia”
Cifras igualadas entre os dous conxuntos branquiazuis
E non é para menos. Con cinco xornadas máis en xogo, máis o partido adiado ante o Atlético de Madrid que o Dépor ABANCA ten por disputar, as oportunidades de asinar a permanencia na máxima categoría son cada vez menos.
Nesta xornada, as galegas recibirán a un equipo moi parello, que as equipara en número de vitorias (6), pero supera no balance de partidos perdidos e empatados (con tres solitarios puntos máis que as coruñesas). Desta forma, o conxunto de Manu Sánchez suma 21 puntos, mentres que as pericas acumnulan 24.
Incluso no apartado sancionador os dous equipos branquiazuis son similares. No que vai de tempada, ambos acumulan 32 cartóns amarelos. A diferenza está nas expulsións, cunha vermella para o Dépor ABANCA e catro para as catalás.
No relativo aos últimos encontros, as coruñesas sumaron un punto máis que as visitantes. Nos últimos cinco partidos as herculinas acadaron un empate e unha vitoria, ante o Valencia e o Madrid respectivamente, mentres que as xogadoras do Espanyol empataron ante Betis, Rayo Vallecano e Levante.
No Espanyol están a galega Anaïr Lomba e a ex do Dépor ABANCA Maya
Nas filas rivais estará unha vella cara coñecida. Maya regresa a Abegondo como unha das pezas claves do xogo catalán. A xaponesa e a xogadora perica que máis asistencias realiza e a segunda máis goleadora, só por detrás de Lombi. Xustamente Anaïr Lomba, é unha das galegas que xoga na Liga Iberdrola pero lonxe da terra. A pontevedresa leva anos vencellada ao conxunto ‘perico’
No encontro de ida, que rematou nun doloroso 3-2 en contra das coruñesas, a ex do Dépor ABANCA foi vital na vitoria local. Os dous primeiros tantos do Espanyol tiveron resposta aos poucos minutos nas herculinas, pero o derradeiro gol foi mortal.
Maya Yamamoto anotou no minuto 71, deixando ás xogadoras de Manu Sánchez sen tempo de reacción para remontar, e afianzando para o cadro catalán a vitoria en casa.
No bando local, a centenaria Peke eríxese como máxima goleadora, con oito tantos ao longo do presente curso, seguida de Alba Merino e Athenea del Castillo con catro cada unha.
A convocatoria
