O Dépor ABANCA, invicto ata esta fin de semana, sufriu ante o DUX Logroño a súa primeira derrota da tempada. As branquiazuis perderon o encontro por un 1-0.
Este foi un partido moi disputado, entre dous rivais que xogan en Reto Iberdrola despois de ter descendido da Primera Iberdrola. Os tres puntos non se decidiron ata o tempo engadido, cando as locais anotaron na portería de Valles.
Igualdade no campo
Para este encontro, o adestrador Miguel Llorente optou por colocar no verde a Carlota en substitución de Jone Ibáñez e dando minutos a Aroa Guerra en lugar de Laura Fernández.
Nos primeiros minutos, locais e visitantes gozaron de ocasións nas botas de Elena e de María Ruiz. Tras varios lanzamentos que non tocarían a rede, o Dépor ABANCA comezou a liderar no duelo, co DUX Logroño agardando a súa oportunidade á contra.
Co paso do tempo o bastón de mando cambiou de mans, e as rioxanas comezaron a controlar o ritmo de xogo. O balón non chegaba a ningunha meta e o 0-0 seguía no luminoso. Antes do descanso, o DUX Logroño tivo dúas oportunidades de subir un tanto ao marcador, pero o empate se mantivo.
Despois da pausa, os ataques do Dépor ABANCAsó chegaban grazas a María Ruiz, quen non terminaba de transformar as súas accións. A dianteira realizou un disparo de falta que foi desviado pola porteira local a córner e a continuación realizou un tiro centrado que foi ás mans da gardameta.
O equilibrio sobre o terreo de xogo non mudaba e non foi ata o tempo engadido cando os puntos se decidiron. A un minuto do pitido final, Ana Hernández adiantou ás súas cun gol que poría o 1-0. Sen tempo para reaccionar, os tres puntos quedaron en Logroño.
FICHA TÉCNICA
DUX LOGROÑO: Poza, Valderas, Infante, Rebeca (Andrea Palacios, min 60), Coolfat, Aby Manou, Ana Hernández, Solow (Kika, min. 85), Ida, Rebecca e Elena (Olga García, min. 60).
DÉPOR ABANCA: Ana Valles, Cris Martínez, Raquel García, Inés Altamira, Goretti Neira (Andrea Sierra, min. 72), Paula Gutiérrez, Carlota Sánchez, Alejandra Serrano (Eva Dios, min. 65), Ainhoa Marín, María Ruiz e Aroa Guerra (Adule, min. 72).
GOLES: 1-0 Ana Hernández (min. 90+2)
ARBITRAXE: Lakbir Larhlid (c. rioxano). Amonestou a Coolfat (min. 10), Goretti Neira (min. 20), Paula Gutiérrez (min. 35) e Elena (min. 55)
INCIDENCIAS: Partido correspondente á sétima xornada da Reto Iberdrola disputado no Campo Mundial 82 de Logroño
