O final esperado. O Dépor ABANCA viaxaba esta fin de semana ata Cataluña para facer fronte ao FC Barcelona, un equipo invicto e, sen dúbida, o mellor da liga española. Como hándicap extra, Manu Sánchez chegaba cun plantel marcado polas baixas, polo que poco puideron facer as branquiazuis por evitar o doloroso 9-0 final.
Como xa se prevía, este foi o duelo máis complicado da tempada, polo que o que se puido ver sobre o céspede do Estadi Johan Cruyff entraba nas previsións: un Dépor ABANCA traballador pero sen acerto, ante un Barça dominante en todo momento.
Sen opcións desde o comezo
Se as galegas saltaron ao verde con algunha esperanza, esta foi rapidamente disipada pola actuación local. No primeiro remate, de Hamraoui, nos primeiros segundos de partido, Sullastres tivo que empregarse a fondo para evitar o gol.
O Barça advertía do seu poderío, pero as de Manu Sánchez non se rendían. Así, chegaron ocasións como un córner sen futuro e o tiro de Michelle no minuto 7, á contra tras pase de Lady Andrade. O balón deu no lateral da rede de Sandra Paños, sen perigo.
O primeiro gol das catalanas estaba cerca, e así foi. Mapi León non perdoou desde o punto de penalti ao recibir un balón centrado desde a esquerda, e a gardameta do Dépor ABANCA non puido evitar que a blaugrana abrira a lata.
Despois do tanto, chegaron dúas grandes ocasións máis das locais, primeiro cunha oportunidade perdida por Jenni Hermoso, rematando fóra, e despois por un tiro de Alexia, que non entrou grazas a Sullastres. Martens tamén tivo a súa bala, pero a cancerbeira visitante impediu que subira ao marcador.
Porén, o segundo gol do Barça non chegou dunha xogada ensaiada e elaborada, senón aproveitando o momento dunha defensa dunha falta. O rápido saque rematou co balón dentro da área, tropezando en Villegas e batendo a Sullastres. A seguinte acción, un córner catalán, podía ter rematado en gol se non fora polas propias Villegas e Sullastres. A presenxa de deportivistas na bancada non daba enerxía suficiente ás futbolistas, que se desgastaban no Estadi Johan Cruyff.
Despois de máis de 20 minutos, o Dépor ABANCA tivo a súa oportunidade de marcar, pero a colexiada sinalou un fóra de xogo de Eva Dios cando se atopaba ante Paños. Tamén puido anotar Lady, cun bo robo á saída dun saque de esquina, pero o seu remate marchou por fóra.
Todas as enerxías das branquiazuis tiveron que concentrarse entón nas defensas, xa que non tiñan forma de materializar os ataques. Isto fixo que a confianza das herculinas diminuira, saíndo cada vez máis do partido.
O terceiro tanto blaugrana non se fixo esperar e chegou nun remate de Alexia a pase de Graham. O cuarto foi facilitado por un erro visitante no saque de porta, xa que o Barça non perdoa, sumando Alexia un gol máis ao marcador. O quinto foi obra de Martens e Jenni, cun cnetro da primeira para remate da segunda ante Sullastres. De maneira similar chegou o sexto, superando as barreiras branquiazuis.
A piques de chegar o descenso, o cadro local non paraba e aproveitou ata os intres finais para seguir aumentando a súa renda. O sétimo tanto foi marcado tras un despexe de Sullastres tras un córner, grazas ao remate de Torrejón.
O Dépor ABANCA fíxose forte na segunda parte
Despois do paso por vestiarios, as xogadoras branquiazuis saltaron ao campo reforzadas, pero con poucas razóns para o optimismo.
De novo, tiveron que pasar 10 minutos para que o Barça acertara fronte a meta galega, pero cando Alexia tivo ocasión de rematar de cabeza non fallou, subindo o oitavo ao marcador.
Nos seguintes minutos, o dominio foi local, pero cun Dépor ABANCA loitador xogando sempre desde a defensa. O ritmo do partido diminuiu, pero isto non se traducuiu nunha igualdade sobre o campo.
Malia os intentos de Sullastres por evitar o noveno, e os movementos de banco en ambos equipos, o gol final remataría por chegar na última xogada do partido.
O Dépor ABANCA estaba aguantando moi ben as ofensivas locais cando, á borde do pitido final, o árbitro pitou penalti a favor das catalanas. Gol, minuto 90, e 9-0 final.
FICHA TÉCNICA
FC BARCELONA: Paños, María León (Laia, min. 61), Melanie, Losada, Jenni Hermoso, Marta (Ana Crnogorcevic, min. 70), Hamraoui, Alexia (Aitana, min. 70), Graham (Mariona, min. 61), Pereira (Leila, min. 61) e Martens.
RC DEPORTIVO ABANCA: Sullastres, Cris, Iris, Villegas, Patri López, Bedoya, Carlota (Helena, min. 65), Michelle (Tati. min. 68), Lady, Eva Dios (Sara Álvarez, min. 83) e Peke.
GOLES: 1-0 Mapi León (min. 9); 2-0 Villegas -pp- (min. 18); 3-0 Alexia (min. 31); 4-0 Alexia (min. 33); 5-0 Jenni (min. 36); 6-0 Iris -pp- (min. 41), 7-0 Marta Torrejón (min.45); 8-0 Alexia (min. 57); 9-0 Jenni -p- (min. 90+2).
ÁRBITRA: Cebollada López (colexio aragonés). Sen amonestacións.
INCIDENCIAS: Partido correspondente á xornada 26ª da Primera Iberdrola de fútbol disputado no Estadi Johan Cruyff con aforo reducido por mor da pandemia de COVID-19 ante 864 espectadores.
