Todo preparado para iniciar un ano máis en branquiazul. As fútbolistas do Dépor ABANCA, líderes da categoría de prata, están citadas para adestrar mañá, luns 3 de xaneiro. Será o primeiro adestramento do 2022 para as futbolistas que adestra o técnico Miguel Llorente.
Test para verificar se houbo contaxios de COVID-19 e logo, á correr. O Dépor ABANCA ten plan para iniciar a semana e o ano con forza e adestrando. Após dun merecido descanso en tempo de Nadal o conxunto coruñés, representante galego na Reto Iberdrola, xa está listo para poñerse as botas e retomar o traballo para voltar á elite do fútbol feminino español.
Segundo informa o Dépor ABANCA: “o corpo técnico dirixido por Miguel Llorente e Ana González citou ás súas futbolistas na Cidade Deportiva ás 17:00, aínda que xogadoras e adestradores pasarán antes unhas probas de COVID-19 supervisadas polos doutores Ramón Barral e Álex Mejuto”.
O primeiro partido do Dépor en 2022 será co RCD Espanyol
A primeira cita competitiva do ano para a entidade coruñesa será o vindeiro sábado 8 de xaneiro cando o conxunto herculino visitará a Cidade Deportiva Dani Jarque en Sant Adrià de Besòs para enfrontarse ao RCD Espanyol. En principio o partido está previsto para as 12:00 horas, aínda que o horario do cruce é algo que está pendente de confirmación.
O RCD Espanyol é quinto con dúas vitorias menos que as galegas, líderes en solitario cun punto máis que o FC Levante Las Planas, ao que se impuxo para subirse ao máis alto da táboa da Reto Iberdrola.
As coruñesas tardarán en xogar como locais na Cidade Deportiva de Abegondo xa que teñen dous partidos seguidos como visitantes. Logo desta saída a Cataluña, tócalles xogar a fin de semana do 16 de xaneiro co CD Pradejón da localidade rioxana co mesmo nome. O CD Pradejón é noveno con cinco partidos gañados, outros tantos perdidos e dous empatados.
O retorno a Abegondo será na xornada 15ª, prevista para a fin de semana do 23 de xaneiro. O rival das herculinas será o CD Parquesol, actualmente terceiro pola cola