O Dépor ABANCA estrea ano viaxando ás illas Canarias, concretamente a Tenerife, e querendo deixar atrás unha recta final do 2020 para esquecer. O fará este martes, 5 de xaneiro, ás 12:00 (11:00 hora insular) fronte áUD Granadilla Egatesa Tenerife. As tinerfeñas son, sobre o papel, un rival duro. Trátse do cuarto clasificado na táboa clasificatoria da Liga Iberdrola.
Este partido, tras o parón competitivo de Nadal, será unha proba para ver se a mellora sobre o céspede que se puido observar nos últimos partidos do 2020 foi un espellismo ou está aquí para quedar.
O equipo dirixido por Manu Sánchez terá enfronte a un dos rivais máis difíciles da categoría. Con 27 puntos de 13 partidos disputados, o que as sitúa na cuarta posición, só por detrás do Atlético de Madrid, Real Madrid e FC Barcelona.
Equipos cuns recursos moito maiores que o Granadilla, que segundo o técnico branquiazul está a traballar moi ben coas limitacións que ten, como o seu campo (La Palmera), de dimensións reducidas.
O preparador galego salientaba o traballo do director de orquestra do conxunto rival. Francis Díaz, o adestrador tinerfeño, e o seu corpo técnico están “facendo grandísimos resultados, aínda que os últimos non foron tan satisfactorios para eles. É un equipo moi perigoso, moi potente e por algo están aí arriba”, avisa o entrenador coruñés Manu Sánchez.
Manu Sánchez: “Co Madrid CFF soubemos sufrir e tratar de facer dano”
Pola súa banda, malia ter conseguido puntuar en tres dos últimos catro partidos (perdendo só ante o líder da clasificación), o Dépor ABANCA segue como farolillo da táboa, con só sete puntos de 36 disputados.
O partido inicialmente estaba previsto para que fora xogado o mércores 6 de xaneiro, pero ambos clubs solicitaron adiantalo ao martes, debido ás dificultades das coruñesas para viaxar nestas datas. O xuíz de competición admitía o pasado 30 de decembro mover o cruce para o día 5. O RC Deportivo, dacordo coa Unión Deportiva Granadilla Tenerife, alegaba ante a RFEF as dificultades que plantexa viaxar nestas datas. O xuíz de competición “con carácter excepcionalismo” admitiu o cambio.
Este duelo será o comezo dun mes de xaneiro duro para as deportivistas con seis partidos en menos de trinta días. Despois de visitar ao Granadilla, as herculinas estrearán Abegondo no 2021 contra o Betis, o día 10. Tres días despois, as galegas recuperarán o encontro adiado fronte ao Rayo Vallecano. O día 24, o rival será o Valencia, que virá seguido tres días despois do Sporting de Huelva e finalizará o mes ante o Levante, o día 31.
Volve Sullastres á convocatoria e Kika cae da lista do Dépor ABANCA
Unha das novidades na lista de convocadas das herculinas será o retorno á convocatoria da cancerbeira Esther Sullastres. A gardameta estivo de baixa durante varias semanas por molestias nun ombro, pero tras o descanso de Nadal e un bo primeiro adestramento, volverá a xogar coa elástica branquiazul.
Pola contra, o técnico Manu Sánchez non poderá contar co concurso de Kika, xa que a fútbolista ten molestias no cuádriceps e o adestrador prefire ser cauto e non forzar á xogadora neste cruce coa UD Granadilla Tenerife.
Así, a lista de futbolistas branquiazuis convocadas polo corpo técnico para este desprazamento a terras tinerfeñas é a seguinte:
#AsNosas convocadas para unha nova xornada de #PrimeraIberdrola. O martes ás 12:00 h. (📺 @LaLigaSportsTV) no Campo La Palmera (San Isidro): #UDGTenerifeDÉPORABANCA#TocaVolverseMollar ⚽️ #UnÚnicoLatido 💙 #razónDÉcorazón pic.twitter.com/atrd14OuSA
— RC Deportivo (@RCDeportivo) January 3, 2021
Se a conexión Peke – Athenea del Castillo está en gracia, boa parte do perigo ofensivo do plantel deportivista estaría garantido neste cruce na localidade tinerfeña de San Isidro.
