O Dépor ABANCA segue a elaborar o seu plantel para a vindeira tempada en Reto Iberdrola e incopora a unha nova futbolista. Alejandra Serrano pasará a vestir a camiseta branquiazul desde a segunda liña de ataaque.
A futbolista chega procedente do Valencia CF, no que competiu desde o 2016. Os seus inicios estiveron vinculados ao UF Manises FC para despois pasar nos 2012 ao Levante UD, no que pasou ao filial con só 14 anos. Despois de catro tempadas, fichou polas chés para incorporarse tamén ao segundo equipo.
Alejandra Serrano conta xa con experiencia no primeiro equipo do Valencia CF, do que formou parte nas últimas catro tempadas e co que tivo ficha xa na última campaña. En total, chegou a disputar 33 encontros, marcando dous goles na Primera Iberdrola.
Así mesmo, a nova futbolista do Dépor ABANCA foi xa internacional nas categorías sub16, sub17 e sub19, coa que foi campioa de Europa no 2018, formando equipo con exdeportivistas como Malena Mieres, Tere Abelleira e Athenea del Castillo.