O futuro do Dépor ABANCA pode decidirse na próxima semana. Aínda queda tempada por diante, pero os tres seguintes encontros son vitais para a permanencia das branquiazuis. O primeiro reto é este domingo, 7 de febreiro, ás 12:00 horas visitando ao CD Civitas Santa Teresa. Juan Carlos Antúnez, adestrador das locais, avisaba das intencións das extremeñas :”Gañamos na Coruña e queremos falelo en Badajoz”.
As pacenses son o equipo que pecha os actuais candidatos ao descenso e o que ten máis posibilidades de saír do pozo da Liga Iberdrola. Con 12 puntos, as que serán locais neste partido ocupan a décimo quinta posición.
Nos últimos tres partidos, o Santa Teresa só logrou dous puntos, pero que saben a gloria ao obtelos ante o Sevilla FC, o oitavo clasificado, e o Athletic, o duodécimo. Ademais, na ida coas deportivistas, as badaxocenses proclamáronse campioas cun 1-2 final.
No conxunto rival haberá caras coñecidas xa que no Santa Teresa milita agora Kenni que chegou deixaba o conxunto branquiazul no mercado de inverno e reforzaba as filas das extremeñas
Desgraciadamente un dos conxuntos peor colocados na táboa na loita por non descender son as galegas do Dépor ABANCA. Catro derrotas consecutivas disipan lixeiramente as esperanzas en Abegondo de asegurar a categoría, pero aínda queda moito que dicir.
Queda tempo e oportunidades de reacción para o Dépor ABANCA
Con máis da metade do curso por disputar, as deportivistas non perden a ilusión e se aferran aos destellos de calidade que deixan ver no campo, pero que non son suficientes para sumar puntos. Con todo, o seu adestrador, Manu Sánchez, aseguraba en rolda de prensa esta mesma semana que “estamos movendo todo o que podemos para conseguir un cambio“.
Pero estas modificacións, como el ben dicía, non serven se non acompañan os resultados. Neste momento da competición é máis importante que nunca reencontrarse, se non coa vitoria, polo menos co empate, para avanzar e á vez roubarlle puntos aos rivais directos.
A COVID-19 está complicando unha xa de por si difícil tempada para o Dépor ABANCA. Os números non acompañan ás coruñesas e a irregularidade polos partidos adiados non axuda para coller ritmo competitivo e recuperar boas sensacións.
Carolina Arbeláez segue a ser baixa por lesión, recupéranse Ainoa Campo, que levaba dúas xornadas fóra das convocatorias e Helena Torres. A convocatoria de Manu Sánchez para este encontro no IDM El Vivero está composta por: Sullastres, Noelia Villegas, Blanco, Iris Arnaiz, Michelle, Athenea del Castillo, Alba Merino, Kika, Gaby, Noe Bermúdez, Helena Torres, Bedoya, Lady Andrade, Peke, Ainoa Campo, Cris Martínez, Patri López, Eva Dios e María Figueroa.
A RFEF e clubs de Primeira Iberdrola reúnense para analizar as medidas actuais respecto á COVID-19
Juan Carlos Antúnez recupera a Nayadet
O técnico das extremeñas Juan Carlos Antúnez, explicaba en rolda de prensa que non poderá contar con Amanda e Patri, que xa foran baixa no partido anterior e que era previsto que estivesen fóra, por lesión, a lo menos dúas semanas. Por contra, recupera a Nayadet que no estivo no último choque por sanción.
Desde o banco do Civitas Santa Teresa de Badajoz, Juan Carlos Antúnez, sinaba que analizan máis o xogo propio que o do contrincante. “Máis aló do rival”, declaraba o entrenador en rolda de prensa, “decidimos seguir mellorando nós. Pensamos que queremos mellorar e sobre que incidir no noso modelo de xogo. Evidentemente estudiamos ao rival, as súas virtudes, que son moitas, e as súas deficiencias, que son poucas, pero as buscaremos”, avisaba o adestrador.
“O cruce co Dépor ABANCA é un partido cun algo contido de motivación para ambas as dúas plantillas”, sinalaba Juan Carlos Antúñez. Estos duelos son moi igualados e decídense en pequenos detalles. Gañamos na Coruña e queremos falelo en Badajoz”.
Sobre as aspiracións do conxunto extremeño, o adestrador apuntaba: “Debemos mellorar os números da primeira volta e os partidos atrasados que temos”.
Tres partidos en oito días antes do parón de case un mes na competición regular
De 18 xornadas disputadas na Liga Iberdrola, o Dépor ABANCA só puido competir en 15 ocasións, tendo aínda por diante o reto de sumar vitorias para escapar do descenso. Na próxima semana, as branquiazuis recuperarán o partido adiado contra o Rayo Vallecano, da décimo cuarta xornada e disputarán a vixésima contra o Eibar.
Despois de xogar co Santa Teresa, as deportivistas recibirán en Abegondo ao Eibar o próximo mércores, 10 de febreiro. O duelo celebrarase ás 16:30 horas e non será retransmitido por ningunha canle de televisión.
Catro días despois, tamén en Abegondo, o Dépor ABANCA recibirá por fin ao Betis en casa. Este duelo, programado para as 13:30 horas, será a porta pechada pero retransmitido por Gol TV.
📹 El entrenador Juan Carlos Antúnez en la previa del #SantaTeresaDeporAbanca 🔴⚪
💬 “Sabemos que estos partidos son muy igualados y lo marcarán los pequeños detalles”
La rueda de prensa, en Youtube ➡️ https://t.co/GNdSighOIC#AúpaSanta #PrimeraIberdrola
— Civitas Santa Teresa Badajoz (@SantaBadajoz) February 5, 2021
