O Dépor ABANCA deixa escapar 3 puntos nun encontro no que mereceu máis

Comezaron dominando, e así continuarían os seguintes 45 minutos. O Dépor ABANCA saiu a desputarlle o balón a un Granada C.F que agora mesmo é quinto na clasificación con 45 puntos. Con 9 puntos menos, as branquiazuis ofreceron unha primeira parte tremendamente seria.

O Dépor ABANCA saía con Yohana en portería; defensa de catro con Paula Novo, Raquel, Vera e Samara; centro do campo cun dobre pivote formado por Marina e Lucía; e con Bárbara, Olaya e Ainhoa Marín por detrás de Millene nun 4-2-3-1.

Once inicial d'As Nosas / @wykazszkowski — Once inicial d’As Nosas / @wykazszkowski

Precisamente esta última tivo a primeira ocasión de perigo para o cadro local no minuto 13, que acabou desbaratando a gardameta visitante, Sandra, bastante atarefada durante a primeira metade.

O estadio apretaba nunha calorosa mañá de sol na Coruña, onde se deron cita 931 afeccionados nunha comuñón constante entre bancada e xogadoras. As de arriba xeraban moitos decibelios, cunha marcada protagonista.

Momento no que se anunciaba o aforo hoxe en ABANCA Riazor / @wykazszkowski

Unha combinación Ainhoa – Millene abre a lata

Ainhoa Marín xerou perigo constante pola banda dereita, sendo precisamente a carón desta liña de cal de onde viría o gol que adiantaría ás súas. Unha internada moi hábil e veloz para deixarlle un suculento doce a Millene, que non dubidou un intre e enviou a pelota ao fondo das mallas que defendía Sandra.

Momento no que Ainhoa asiste para que Millene faga o tanto branquiazul / @wykazszkowski

Por diante no electrónico, As Nosas pelexaron por ampliar a vantaxe. Superabamos a media hora de encontro e neste caso foi Millene a que puxo un balón envelenado ao segundo pau ao que chegaba Samara un tanto forzada para poder asestar un golpe que sería a guinda a unha primeira parte de ensoño.

A única ocasión de perigo ocasionado polas andaluzas foi no minuto 36, cun disparo de Laura Pérez que petou no poste do arco defendido por Yohana.

No tempo de desconto, volveron Ainhoa Marín e Millene a facer diabluras en campo rival e tivo a vasca un man a man con Sandra para poder facer, novamente, un segundo tanto que aumentaría as posibilidades de vitoria. Detivo con habilidade a gardameta e, tras asubiar Alicia Espiñenta Ríos o final da primeira metade, as xogadoras encaraban os vestiarios con menos renta que méritos fixeron para poder ampliala.

Ainhoa a piques de facer o segundo / @wykazszkowski

O Granada CF quixo máis que o Dépor ABANCA na segunda parte

Cambiou o conto na segunda metade, cun Granada C.F que quería máis cun Dépor ABANCA que lle entregaba o balón e que buscaría as ocasións a base de contragolpes. Isto resultou nun encontro con máis ritmo, máis oportunidades e tamén máis perdas de balón por ambas partes. No minuto 63 avisaban as visitantes cun disparo de Laura Pérez que atallou habilidosamente Yohana.

Precisamente substituía a Inês Pereira, quen comezou o partido no palco pero quen non puido aguantar os nervios, baixando ata o fondo no que atacaban as súas compañeiras na segunda metade e vivindo o encontro como unha branquiazul máis.

A gardameta Inês Pereira alentando ás súas desde a bancada / @wykazszkowski

Co Dépor ABANCA atacando a contagotas e empregando case todas as forzas en tarefas defensivas, chegou un auténtico golazo de Ornella que poñía as táboas no electrónico.

Pouco dura a ledicia na casa do probe, xa que tres minutos máis tarde, Edna facía o propio tras unha xogada persoal e deixou un gol de moi bela factura.

Dépor ABANCA - Granada CF correspondente á 27 xornada da Liga F / @wykaszkowski

1 de 127

- +

Dépor ABANCA - Granada CF correspondente á 27 xornada da Liga F / @wykaszkowski

Ainhoa e Millene xeraron perigo durante todo o encontro / @wykazszkowski

Edna celebra co seu adestrador o gol que lle daba a vitoria ao Granada CF / @wykazszkowski