A ocasión era inmellorable para que o Dépor ABANCA puidese escalar postos na clasificación pero o mesmo equipo que goleaba 3-0 ao Rayo Vallecano en Abegondo, recibía a mesma menciña en Las Gaunas do EDF Logroño. Así, as deportivistas dan unha de cal e outra de area.
Aliñación d #asnosas para o 23º partido da temporada en #PrimeraIberdrola.
Las Gaunas (Logroño), 12:00 h.: #EDFLogroñoDéporABANCA#TocaVolverseMollar ⚽️ #UnÚnicoLatido 💙 #razónDÉcorazón pic.twitter.com/mAyeJBQM4u
— RC Deportivo (@RCDeportivo) March 21, 2021
Non se chegara ao cuarto de hora de xogo cando, pese a que o control e as ocasións eran branquiazuis, as rioxanas se adiantaban no marcador. As Viño Tinto anotaban o 1-0 na súa primeira aproximación á meta de Esther Sullastres á que batían no palo largo.
O Dépor ABANCA leva no seu ADN a loita e a resilencia, así que as galegas non baixaron os brazos e continuaron coa súa actitude de buscar porta sobre o tepe de Las Gaunas. Pero o gol non chegaba pese as ocasións xeradas polas coruñesas.
Co 1-0 se chegaba ao descanso. Á volta de vestiarios, o Dépor ABANCA seguía sendo que controlaba o xogo e mantiña a posesión, pero a efectividade foi, outra vez, do EDF Logroño. Un par de erros na zaga branquiazul puxeron en perigo á meta defendida por Esther Sullastres. Finalmente a gardamallas catalá non puido evitar o gol de Elloh nun man a man coa futbolista local.
Media hora para o final do #EDFLogroñoDéporABANCA nas Gaunas!#TocaVolverseMollar ⚽️ #UnÚnicoLatido 💙 #razónDÉcorazón pic.twitter.com/I6L3Hvip0h
— RC Deportivo (@RCDeportivo) March 21, 2021
Co 2-0 Dépor ABANCA non deixou de intentalo. Incluso Stephannie Blanco chegou a mandar un balón ao longueiro. E de novo, as colistas tiraron de efectividade e anotaron o terceiro por medio de Altamira no minuto 86 de partido (3-0).
Con este resultado o RC Deportivo ABANCA continúa como penúltimo na clasificación e aupa ao seu rival, o EDF Logroño ate a 15ª posición que tería sido súa de vencer na Rioxa. Caeron o Betis 1-2 co UDG Tenerife Egatesa e o Santa Teresa 0-3 ante o Madrid CFF.
O Real Madrid, proximo rival do Dépor ABANCA
Así, no canto de subir na táboa, as deportivistas ven como botan o freo. O peor, é o calendario que teñen por diante as coruñesas, para empezar, o Real Madrid de Misa e Tere Abelleira, visita Abegondo á vindeira xornada. Será o sábado 27 de marzo ás 12:00 horas en encontro correspondente á 24ª xornada da Primera Iberdrola.
Logo do Real Madrid, as de Manu Sánchez terán que medirse co Atl. de Madrid, FC Barcelona, Valencia FCF, Madrid CFF, Sevilla, RCD Espanyol, Huelva e UDG Tenerife Egatesa. Así que o calendario, non é, sobre o papel, o máis favorable para as galegas.
De cara ao partido da vindeira fin de semana co conxunto branco, As Nosas deportivistas están convocadas para adestrar mañá luns 22 de marzo ás 17:30 horas na Cidade Deportiva de Abegondo.
El Dépor ABANCA, que regresa por carretera, se entrena mañana lunes a las 17:30 https://t.co/mu5rsewmr2 pic.twitter.com/SCnsvtonzq
— RC Deportivo (@RCDeportivo) March 21, 2021
FICHA TÉCNICA
EDF LOGROÑO: Tajonar, Caracas, Ballesté, Inés, Valdera, Nyman (Carol Marín, min. 46), Chini (Valeria, min. 90), Tavlo, Ida Guehai (Judith, min. 74), Elloh e Jade (Cynthia, min. 82)
RC DEPORTIVO ABANCA: Esther Sullastres, Cris, Blanco, Iris Arnaiz, Noelia Villegas, Eva Dios (Michelle Romero, min. 70), Ainoa, Alba Merino (Lady Andrade, min. 80), Gaby, Peke e Athenea del Castillo.
GOLES: 1-0 Ida Guehai (min. 14); 2-0 Elloh (min. 49); 3-0 Inés Altamira (min. 86)
ÁRBITRA: Gallastegui Pérez do Colexio Vasco. Amonestou á deportivista Alba Merino (min. 29), á local Ballesté (min. 61) e a branquiazul Athenea (min. 90+3).
INCIDENCIAS: Partido correspondente á 23ª xornada de liga na Primera Iberdrola disputado no campo de Las Gaunas con aforo reducido por mor das medidas de prevención para frear a pandemia de COVID-19.
