As xogadoras do Dépor ABANCA tiveron a súa estrea como grupo este domingo no IX Teresa Herrera feminino. Na final polo trofeo ante o Valladares Gaia, as galegas perderon ante as portuguesas na rolda de penaltis por un 4-5.
Para este debut, Miguel Llorente elixiu a María Sampalo, Cris Martínez, Raquel, Inés Altamira, Patri López; Jone Ibáñez, Paula Gutiérrez, Tati, Ale Serrano, Ainhoa Marín e María Ruíz para conformar o once inicial.
O encontro desenvolveuse de forma moi igualada, con oportunidades para ambos equipos nas dúas porterias do estadio de Riazor, aínda que os primeiros minutos de partido tiveron dominio herculino. Antes do descanso, María Ruíz tivo a oportunidade de adiantar ás coruñesas, cun tiro ao traveseiro.
Na segunda metade, Llorente moveu o banco deportivista dando entrada a Ana Valles e Paula Monteagudo por Sampalo e Alejandra. As galegas do Dépor ABANCA seguiron presionando arriba, sen conseguir transformar as accións en goles. A defensa portuguesa botaba por terra as grandes chegadas galegas, máis intensas na presión e con maior posesión de balón.
O rifado encontro rematou aos 90 minutos nun empate 0-0, forzando unha rolda de penaltis. Despois de catro tiros, as branquiazuis do Dépor ABANCA fallaron o quinto lanzamento, tirado por Paula Monteagudo. As portuguesas non perdoaron, e alzáronse co trofeo herculino.
No partido, a xogadora María Ruíz foi galardoada coa estatua da Torre como mellor xogadora do partido.
