- Dura, contundente e sen discusións. Así foi a derrota que recibía o Dépor ABANCA no Johan Cruyff no seu enfrontamento diante do todopoderoso FC Barcelona. O tanteo. 8-0, non deixa lugar á dúbida.
Como se recolle na páxina oficial do club, o Dépor ABANCA concluíu este domingo 9 de novembro cunha derrota (8-0) no Estadi Johan Cruyff fronte ao FC Barcelona, poñendo fin a unha esixente semana con tres partidos lonxe de ABANCA-RIAZOR. Así, aos desgastes propios dos encontros houbo que engadir os case 7.850 quilómetros acumulados nas pernas das futbolistas.
Con este resultado, As Nosas deportivistas quedan con 7 puntos na 14ª posición. Paula Monteagudo causou baixa para o partido debido a unha rotura do compoñente medial da fascia plantar do seu pé dereito. Michi Apóstol foi a representante da canteira deportivista e contou con minutos de xogo na recta final.
Pola súa parte, o FC Barcelona chegaba ao encontro tras caer ante a Real Sociedad por 1-0 na súa primeira derrota como visitante na competición doméstica desde o 21 de maio de 2023. Nese mesmo partido, quedou sen marcar por primeira vez desde o 25 de xaneiro de 2020, cando empatou (0-0) co Atlético de Madrid. “Eso nos pone las cosas aún más difíciles”, advertira Fran Alonso na rolda de prensa previa ao partido. E non se equivocou.
Ainhoa Marín, novamente referencia ofensiba do Dépor ABANCA
O partido comezou con dominio azulgrana e un Dépor ABANCA agardando en bloque baixo. Ainhoa Marín foi a referencia ofensiva, buscando aproveitar a súa velocidade. No minuto 12, Vicky, que a pesar da súa xuventude cumpriu 100 partidos coa camiseta barcelonista, rematou de cabeza ao segundo pau un balón ao traveseiro da portería de Inês Pereira.
Dous minutos máis tarde, Marina Artero despexa cara á súa propia portería e Inês Pereira envía a córner con moitos apuros. No saque en curto, o balón chega de novo a Vicky que, na frontal da área, coloca o disparo na escuadra dereita da portería do Dépor ABANCA.
As culés abrían abría así o marcador. Alexia logrou o segundo no minuto 18 tras unha combinación entre Vicky e Aïcha, rematando soa a poucos metros da liña de gol.
O terceiro do partido chegou por medio de María León, de novo nun saque de esquina. A defensa azulgrana sorprendeu a Inês Pereira ao primeiro pau, cando todas agardaban un centro.
Case á media hora, Laia Aleixandri recibe na frontal da área e cun disparo colocado asinou o 4-0.
Co partido xa encarrilado, as xogadoras do Barcelona seguiron buscando máis goles. María León anotou o 5-0 tras aproveitar un balón solto na área deportivista despois dun remate ao pau de Torrejón. O sexto chegou por medio de Pina, tras unha serie de paredes na frontal da área do Dépor ABANCA.
Sen respiro, Inês Pereira realizou unha gran parada a un tiro axustado de Vicky desde fóra da área. Foi o preludio do sétimo gol, obra de Sydney, tras un centro desde a banda esquerda de Ona Batlle. No desconto da primeira parte, Graham fixo o oitavo adiantándose de cabeza nun balón dividido ante a saída de Inês Pereira.
Co 8-0 chegouse ao descanso. Tras pasar polos vestiarios, o Dépor ABANCA tapou espazos e o marcador xa non se moveu. Ainhoa Marín refrescou o equipo coa entrada de futbolistas como Lía, Barth, Millene e Marisa.
Co encontro xa sentenciado na primeira metade, As Nosas do Dépor ABANCA cando menos foron capaces de frear o caudal ofensivo dun rival que tamén moveu o banco.
FICHA TÉCNICA:
FC BARCELONA: Cata Coll, María León (Paredes, min. 46), Aleixandri, Sydney, Marta, Pina (Pajor, min. 58), Graham (Serrajordi, min. 58), Alexia (Kika, min. 46), Vicky, O. Batlle (Carla Julià, min. 58) e Aïcha.
DÉPORTIVO ABANCA: Inês Pereira, Samara, Vera, Marina Artero (Lía, min. 51), Elena (Barth, min. 51), Paula Novo, Raquel, Paula Gutiérrez, Olaya (Millene, min. 66), Bárbara (Marisa, min. 66) e Ainhoa Marín (Michi Apóstol, min. 80).
EQUIPO ARBITRAL: Elisabeth Calvo Valentín, do comité madrileño. Amonestou a Paula Gutiérrez (min. 84) e Serrajordi (min. 90).
GOLES: 1-0 Vicky (min. 15); 2-0 Alexia (min. 18); 3-0 María León (min. 22); 4-0 Aleixandri (min. 28); 5-0 María León (min. 31); 6-0 Pina (min. 35); 7-0 Sydney (min. 41); 8-0 Graham (min. 45+1).
INCIDENCIAS: partido disputado no Estadi Johan Cruyff correspondente á 10ª xornada da Liga F.
