O Dépor Abanca non consegue despegar na Liga Iberdrola e, tras acumular cinco derrotas, prepárase para recibir este domingo, 8 de novembro, ás 19:00 horas ao Sevilla FC en Riazor. Este será o primeiro encontro desta tempada para as branquiazuis no estadio coruñés RIAZOR – ABANCA, polo que futbolistas como Ainoa Campo agardan que este cambio de escenario inflúa na súa actuación e por fin cheguen os resultados do traballado nos adestramentos.
Enfronte, un rival que non disputou o encontro correspondente á anterior xornada fronte ao Levante UD debido a varios resultados positivos nos tests de COVID-19 entre as xogadoras granotas. No partido anterior, o Sevilla logrou unha vitoria abultada fronte ao Sporting Huelva, na que foi a súa primeira vitoria desta tempada. Un partido de estreo para moitas das de Cristian Toro, xa que debutaron en Primera Iberdrola Chavi Toro e Teresa Mérida e no clube Natalia Gaitán e foi o estreo como goleadora de Raquel Pinel.
Pola contra, as de Manu Sánchez seguen sen puntuar. Tanto o adestrador como as propias xogadoras herculinas móstranse confiadas en que traballando os erros os resultados acaben por chegar. Porén, aínda non está claro cal é a clave para solucionar a sequía das branquiazuis.
Á procura de motivos e solucións ao atasco de puntos e xogo das branquiazuis o adestrador sinala entre dos porqués, os problemas para manter a posesión do balón.
Esta mesma semana, en rolda de prensa, a futbolista Ainoa Campo, sinalaba a outra posible razón e falaba de que un dos principais fallos pasaría tamén polos problemas na saída de balón e a coordinación entre as mediocentro e as dianteiras. “Non estamos encontrando eses pases por dentro, eses pases filtrados e creo que é porque necesitamos coordinar os movementos das nosas mediocentro e as dianteiras no momento do pase”, argumentaba a deportista.
Peke, Cris Martínez e Kenni, baixas no Dépor Abanca
As coruñesas do RC Deportivo ABANCA terán que tentar saír da parte baixa da táboa coas ausencias definitivas da dianteira Peke , por enfermidade (padece un proceso vírico), e as de Cris Martínez e Kenni, nestes dous casos por lesión. A pasada xornara o grupo recuperaba a Carolina Arbeláez que salía tamén dunha lesión pero que non contou con minutos diante do Real Madrid en Valdebebas. Volve a se sumar ao primeiro equipo a canteirana Eva Dios.
No marco das restricións polo COVID-19, este encontro disputarase ante público, pero cunha limitación de 150 persoas. O propio RC Deportivo porase en contacto cos deportivista que pediron a invitación para este encontro a semana anterior en Abegondo, para o partido entre o Dépor Abanca e o Santa Teresa, e que finalmente tivo que ser disputado a porta pechada.
El aforo de ABANCA-RIAZOR será de 150 personas por partido el próximo domingo https://t.co/FplDZmIhsA No se pondrán entradas a la venta pic.twitter.com/vydmghLHCv
— RC Deportivo (@RCDeportivo) November 6, 2020
Manu Sánchez: “É o momento de reencontrármonos con nós mesmas”
O adestrador deportivista ve a volta ao escenario do Estadio Riazor – ABANCA como un momento para “reencontrármonos con nós mesmas”, admite que iso, o xogo propio lle “preocupa máis” ca o rival.
Con todo, Manu Sánchez fala do Sevilla coma un “Equipo moi traballado. Cunha dirección técnica clara, unha búsqueda da verticalidade, apretar, a agresividade co balón… Buscan moi ben os seus puntos fortes. É un equipo que nos vai presentar batalla dura. Están afeitas a traballar e a disputar os seus partidos en herba natural. Elas veñen dun descanso forzoso, nós, non. Pero non ten que ser unha excusa”.
Manu Sánchez, adestrador do RC Deportivo ABANCA: “Buscamos: recuperar as nosas sensacións para dármonos unha alegría e darlla á #ANosaForza (en referencia á afección). Tamén para mirar un pouco máis arriba”.
Tal e como apuntaba Manu Sánchez, para As Nosas deportivistas, xogar en Riazor trae boas lembranzas. “Temos un recordo moi bonito da última vez que xogamos en ABANCA-RIAZOR”, foi na Copa da Raíña diante do Valencia ao que se impuxeron. “Iso é o que buscamos: recuperar as nosas sensacións para dármonos unha alegría e darlla á #ANosaForza (en referencia á afección). Tamén para mirar un pouco máis arriba”.
Na idea do conxunto branquiazul está o seu propio xogo “preocúpame o que podamos desenvolver nós como equipo. Intentar impór o noso xogo, o noso estilo. Non caer no xogo do Sevilla que buscará un partido con transicións moi rápidas, con verticalidade, con procura da portaría contraria… Nós tentaremos limitar todo iso e impoñer o nos xogo, o noso estilo”, sostiña en rolda de prensa o técnico deportivista.
O adestrador das branquiazuis reflexionou en rolda de prensa sobre como os partidos adiados desvirtúan dalgún xeito o devir competitivo convencional. Uns equipos chegan aos seus compromisos con máis carga de partidos ca outros. Máis agora que na Primera Iberdrola toca unha quenda de cinco partidos en 15 días. Pero tamén asume que é o escenario co que toca xogar.
Adiado o partido contra o Rayo Vallecano
Sexa cal sexa o resultado deste partido do domingo no Estadio RIAZOR – ABANCA, as deportivistas poderán recuperarse na próxima semana debido ao recente aprazamento do encontro fronte ao Rayo Vallecano por un caso positivo detectado entre as filas do equipo madrileño.
Segundo informa o RC Deportivo, O Xuíz de Competición da Real Federación Española de Fútbol atendeu á solicitude do Rayo Vallecano para adiar os seus dous próximos partidos da Primera Iberdrola, correspondientes a las jornadas 6 y 7. Trátase dos cruces contra Real Betis e RC Deportivo ABANCA.
O motivo desta solicitude radica nun caso positivo por COVID-19 detectado no equipo así como os dez días de illamento que é perceptivo que cumplan os seus contactos directos.
Aplazado el Rayo Vallecano – Dépor ABANCA de la próxima semana https://t.co/zQesn6NSok pic.twitter.com/Bs78S0hq0C
— RC Deportivo (@RCDeportivo) November 5, 2020
