O Dépor ABANCA B recibiu a un forte Gijón FF en Abegondo para disputar a terceira xornada do grupo 1C, na segunda fase. O duelo entre galegas e asturianas foi moi disputado, cun cadro local que se repuxo a un gol tempraneiro para ir gañando e rematar empatando cun gol visitante nos últimos minutos.
Con este resultado 2-2, as coruñesas ocupan a quinta posición do subgrupo, sumando 34 puntos. As de Kevin Cabado son penúltimas, a 0,446 puntos de coeficiente das líderes, o Real Oviedo Femenino B, e a 0,422 das segundas, as tamén coruñesas do Victoria CF.
Xusto empate entre o Dépor ABANCA e o Gijón FF
Para esta fin de semana, Cabado puido contar con algunhas das súas futbolistas citadas por Manu Sánchez para competir co primeiro equipo e que non chegaron a xogar (Jessica, Patri López, Carlota e Tati), así como a volta de Aroa Guerra, quen estivo de baixa por lesión.
No bando contrario, un Gijón que viaxou a terras galegas coa convicción de ter que sumar para seguir na loita por un posto no play-off. Desta forma, as primeiras ocasións de perigo vivíronse na portería de Jessica, e o marcador abriuse co gol de Irene Martínez para as visitantes no minuto 4, cun disparo de falta que entrou rozando o pao.
O cadro deportivista non tardou moito en reaccionar, e aos dez minutos poñía o empate sobre o electrónico. Cun córner directo ao centro da área, Sara Álvarez marcaba o primeiro para as galegas. No que restaba de primeira parte, as oportunidade alternáronse en ambos equipos, sen que ningún deles puidera volver a bater a meta contraria.
A segunda metade comezou con todo por decidir e o empate no marcador. Co paso dos minutos, o guion non cambiaba e a igualdade seguía sendo máxima. Xa no tramo final, o Dépor ABANCA B adiantouse poñendo o 2-1 con gol de Guerra, recibindo o balón ás costas da defensa e cun remate decidido.
O tanto coruñés espertou ás asturianas, que aso cinco minutos responderon cun tanto, de novo, de Irene Martínez. Cunha xogada de contra, a visitante bateu sen problemas á gardameta local, devolvendo o empate ao electrónico.
Non deu tempo a máis, e pouco despois destas accións o árbitro pitou o final, deixando o encontro en táboas.
FICHA TÉCNICA
DÉPOR ABANCA B: Jessica, Aroa (min. 68, Cabada), Novo, Nuria, Calvo (min.56, Rendo), Tatiana, Sara, Patricia, Carlota (min.68, López), Testa (min.56, Andrea), Eva (min. 77, Guerra).
GIJÓN FF: Adriana, Ana, Elizabet, Paula, Libertad (min- 77, Raquel), Aida (min.89, Covadonga), Cristina (min.55, Marta), Carmen, María Aurora, Carolina, Irene.
GOLES: 0-1 (min. 4, Irene); 1-1 (min. 14, Sara); 2-1 (min. 83, Guerra); 2-2 (min.88, Irene).
CORPO ARBITRAL: Rodríguez Campos, Galan Lagüela, Montero Couto.
INCIDENCIAS: Partido da terceira xornada do grupo 1C de ascenso a Reto Iberdrola disputada en Abegondo, na cidade de A Coruña.
