Nada está a ser doado esta tempada para o Dépor ABANCA. Logo dunha igualadísima liga, no que as nosas deportivistas quedaron a un gol do ascenso directo, o equipo que adestra Irene Ferreras dá un paso máis rumbo á elite nunha loitada eliminatoria. Empate na ida (0-0) e empate en Abegondo na volta (1-1). Todo moi parello nesta eliminatoria do play-off de ascenso entre o Dépor ABANCA e o Cacereño. Pero o premio foi para as galegas que dan un paso adiante e chegan á final.
Fiiiiiiiiinaaaaaaaaal do #DéporABANCACacereño na Cidade Deportiva de Abegondo, 1-1! #ASNOSAS, CLASIFICADAS PARA A FINAL DO PLAYOFF DE ASCENSO A #LigaF contra o @GranadaCF_Fem! pic.twitter.com/x38hk2QgTc
— RC Deportivo (@RCDeportivo) May 27, 2023
O Dépor ABANCA xogou mellor que o seu rival o CP Cacereño, gozando de máis ocasión e control do esférico. Pero as chegadas non se transformaba en goles. Ainhoa Marín, Laura, Paula, Millene, Eva Dios… varias foron as deportivistas que xeraron perigo na meta visitante. Pero non viron porta en toda a primeira metade.
Xa no segundo acto seguiu o equipo que adestra Irene Ferreras volcado na meta rival buscando perforar a meta do CP Cacereño defendida por Tatiana Fernández.
Descanso na Cidade Deportiva de Abegondo! #DéporABANCACacereño 0-0
En quince minutos continuamos en 📺 https://t.co/wVWpX1GAPH e APP 📱 RC Deportivo grazas a Auga de Parada pic.twitter.com/85zPPLwfje
— RC Deportivo (@RCDeportivo) May 27, 2023
Tivo unha gran ocasión Millene que non foi quen de anotar a porta baleira un envío de Paula. Logo chegaría unha ocasión visitante que paraba en dous tempos Yohana.
E foi aí cando apareceu a capitán, Cris Martínez, para anotar o tanto que poría por diante ás galegas. A futbolista leonesa marcou no 58 de partido a pase de Ainhoa Marín que mandou o esférico ao punto de penalti para que a súa compañeira puidese anotar o primeito tanto do partido (1-0).
Así e todo, nada parece doado esta tempada para o Dépor ABANCA que traballa, sufre e fai méritos para gañar pero que sempre ten que seguir loitando polo obxectivo final no límite.
Neste partido de volta da eliminatoria non había pasar algo diferente e so minutos despois do gol de Cris Martínez, anotaba o empate Edna Imade para o Cacereño (1-1).
Non parou na súas intencións de gañar o Dépor ABANCA e gozaron de ocasións Ainhoa Marín, Millene e Charle, pero non houbo maneira de superar a Tatiana.
Comeza o primeiro tempo da prórroga do #DéporABANCACacereño na Cidade Deportiva de Abegondo e en 📺 https://t.co/BRgppwOSdO e APP 📱 RC Deportivo! pic.twitter.com/OFic9hp1JH
— RC Deportivo (@RCDeportivo) May 27, 2023
Na recta final do choque incluso tivo que sufrir o equipo coruñés para manter un empate que as colocaba no seguinte chanzo do camiño de volta á elite. Houbo chegadas moi perigosas do CP Cacereño e Yohana tivo que esforzarse para evitar que se puxeran por diante as visitantes. No 94 evitou a porteira deportivista o que puido ser gol. Tocou o xusto, coa puntiña dos dedos mandou o balón ao traveseiro. Susto para as galegas no últimos suspiro dun partido que chegaría á prórroga.
O tempo extra foi para o Dépor ABANCA que retomou o control do partido. Yohana deixou de ter traballo. Foron 120 minutos de partido pero pagaron a pena xa que as galegas están na final.
O rival nesta última eliminatoria será o Granada CF que gañou a partida a Osasuna. Tal e como acontecía nesta primeira eliminatoria, o Dépor ABANCA xogará o primeiro partido fóra, como visitante, e o cruce decisivo será na Cidade Deportiva de Abegondo. Aí coñecerase quen é novo equipo de LigaF.
🎉 El @GranadaCF_Fem y el @RCDeportivo se jugarán la última plaza de Primera División Femenina
👉🏼 El Granada CF, quién partía con una ventaja, redondeó el resultado con un 0-3 fuera de casa.
👉🏼 Las gallegas empataron 1-1 en la vuelta, pero una mejor clasificación en la… pic.twitter.com/NQ2z6XYYEG
— Fútbol Femenino RFEF (@FutFemRFEF) May 28, 2023
Irene Ferreras deu descanso extra ás deportivistas
O Dépor ABANCA tiña previsto adestrarse hoxe domingo pero Irene Ferreras considerou que o esforzo da prórroga ben merecía un descanso extra para as coruñesas. Así, adestradora do conxunto branquiazul deu libre domingo e luns ás nosas que teñen ante si unha recta final de tempada na que se xogan todo en dous partidos. Unha gran final con ida e volta.
O cadro deportivista adestrarase de novo o martes 30 de maio ás 10:00 horas na Cidade Deportiva de Abegondo.
FICHA TÉCNICA
1) RC DEPORTIVO ABANCA: Yohana, Cris Martínez, Inés Altamira, Raquel García, Samara, Paula Gutiérrez (Carlota Sánchez, min. 105), Henar, Ainhoa Marín (Patri López, min. 118), Laura Fernández (Carlota Fernández, min. 90+1), Eva Dios (Charle, min. 46) e Millene (Letti, min. 95).
1) CP CACEREÑO: Tatiana Fernández, Hitomi Tanaka (María Corbacho, min. 91), Ayaka Noguchi, Angie Castañeda, Nerea Sánchez (Manoly Baquerizo, min. 55), Jenna Holtz (Midori Yoshimura, min. 46), Sonya Keefe, Bárbara Santibáñez (Edna Imade, min. 46), Sara Rubio, Carmen Acedo (Elsa Guerra, min. 80) e Mireia Masegur.
GOLES: 1-0 Cris Martínez (min. 58); 1-1 Edna Imade (min. 60)
EQUIPO ARBITRAL: Trujillano Gallardo (colexio andaluz). Amoestou a Eva Dios (min. 22), Santibáñez (min. 40), Midori Yoshimura (min. 51), Hitomi Tanaka (min. 77), Inés Altamira (min. 105) e Santibáñez (dobre cartón no banco, min. 114)
INCIDENCIAS: partido de volta da semifinal do play-off de ascenso a LigaF, disputado na Cidade Deportiva de Abegondo que rexistrou un cheo nas bancadas para apoiar ás nosas deportivistas no seu camiño de regreso á elite.
