A Liga Feminina de División de Honra de waterpolo chega á súa fin e deixa ao CW Santiago como campión. As compostelás alzáronse co título tras vencer na última xornada ao CW Lugo por un 12-3. O RCN Vigo resultou subcampión da categoría.
En total, á fin da competición, as compostelás tiveron un balance de cinco vitorias, e un empate con 79 goles a favor e só 25 en contra. Estas cifras permitíronlle sumar 16 puntos e facerse co título.
Preto do CW Santiago quedou o RCN Vigo, só por tres puntos por debaixo, co mesmo número de empates pero unha vitoria menos, caendo precisamente ante as santiaguesas na quinta xornada, cun 9-5.
Segundo informa a FEGAN, a clasificación complétase co CW Pabellón Ourense como terceiro e o CW Lugo como cuarto.
