O Club Waterpolo Pontevedra volve a casa. E non o fai por Nadal, ou por un merecido descanso tras as competicións, se non que o fai por obriga tras coñecerse as novas restricións da Xunta sobre o deporte federado. As nadadoras do club pontevedrés deberán cambiar a piscina, polo salón, debido ás limitacións por mor da COVID-19.
A primeira pausa que sufriron as deportistas do CW Pontevedra comezou o pasado mes de marzo, cando o confinamento e posterior desescalada mantívoas alonxadas durante catro meses das piscinas. O 7 de xullo volveron mollarse, e desde entón levan adestrando coa nova normalidade.
As novas medidas decretadas pola Xunta de Galicia, polas cales só poden adestrar en grupos de 4 e respectando os peches perimetrais, afecta ao equipo de Pontevedra. Ata unha veintena dos seus deportistas proceden de otros concellos.
Así, o CW Pontevedra adáptase unha vez máis á situación e, tal e como informa nun comunicado, “retomará o protocolo interno de adestramentos en casa vía Zoom, co obxectivo de que as e os deportistas poidan continuar mantendo unha boa condición física”.
Compromiso co deporte no CW Pontevedra
A entidade pontevedresa agradece o compromiso “co club e co deporte” de todas as súas waterpolistas. “Non é doado adestrar sen obxectivos competitivos durante tantos meses, nin acostumarse a adestrar sen ocntacto nun deporte como o waterpolo, nin adaptarse aos numerosos e continuos cambios”, recoñecen.
Seis meses de prácticas con modificacións nos horarios, sesións máis breves do habitual e con menos frecuencia respecto a como se facía en tempos prepandemia.
“Queremos agradecer a todas e todos os nosos deportistas por todo o seu esforzo e compromiso durante estes meses, adaptándose en todo momento ás circunstancias, respectando e cumprindo os protocolos de seguridade, asistindo e participando con gran actitude e sempre de forma colaborativa”, sinalan desde o CW Pontevedra. Ata que a situación non mellore, as waterpolistas do club deberán conformarse cos adestramentos online.
Ver esta publicación en Instagram
A suspensión da competición do deporte federado en Galicia non afecta as competicións estatais
