Catorce meses despois, o CW Pontevedra retoma as sesións de adestramento con contacto, dando un paso máis cara a normalidade nas sesións de traballo. Seguindo a prudencia necesaria e as medidas establecidas, as waterpolistas de entre idade infantil e sénior volverán a adestrar de preto.
Esta semana, de acordo cos protocolos da Xunta de Galicia e da FEGAN, o CW Pontevedra comezou a pasar os test de antíxenos de todas as deportistas para que poidan adestrar a un waterpolo “de verdade”, con loita e contacto. Os test faranse cada dúas semanas e seguirán en vigor o resto de medidas, como o uso de máscara e distanciamento fóra da auga.
O CW Pontevedra traballa por volver á normalidade
Desde que o equipo retomou a actividade, o pasado mes de xullo do 2020, todos os adestramentos adaptáronse para manter a distancia de dous metros na auga, con exercicios de técnica e táctica adaptados o máximo posible á realidade.
A posibilidade de retomar o contacto supón un paso máis cara retomar as competicións, con vistas a participar nas copas de verano da FEGAN. Para as waterpolistas do club galego, esta nova é unha gran alegría que lles permite desfrutar de novo plenamente do seu deporte.
O CW Pontevedra aproveita a ocasión para agradecerlle á dirección do CGTD e á de Supera, por facilitar os espazos para realizar os test ás deportistas, e á enfermeira Isabel Sueiro, “pola súa dedicación”.
