Na pasada fin de semana o CW Pabellón Ourense organizou no Rosario Dueñas a Copa Galega Absoluta de waterpolo, onde o CW Pontevedra resultou campión. O club, formado con deportivistas pontevedresas e ourensás, alzouse co trofeo despois de vencer por un 9-14 ao CW Coruña Rías Altas.
Tras o campión, quedou o CWC Rías Altas en segunda posición, o CW Santiago como terceiro e CW Pontevedra B, cuarto.
Dobre equipo
Para que as mozas de Pontevedra e Ourense tivesen unha maior esixencia competitiva que lles sirva para sumar experiencia, o club pontevedrés arriscou formando dous equipos nivelados que puidesen competir todos os partidos.
Así, segundo apuntan desde o club, as 23 deportistas que forman o proxecto feminino entre CW Pontevedra e CW Pavillón Ourense repartíronse en dous equipos A e B. E o resultado foi moi positivo, xa que ambos os grupos competiron e creceron durante o campionato, cunha gran experiencia e asumindo responsabilidades xogadoras que habitualmente non o fan, cun gran campionato por parte das 21 mozas que puideron xogar a fin de semana.
