Continúa a serie de vitorias do equipo feminino do Club Waterpolo Pontevedra. Nesta ocasión recibían ao equipo vasco Leioa Waterpolo, un equipo moi cohesionado e cunha traxectoria intachable en Primera División, mesmo en División de Honra.
As xogadoras do equipo da cidade do Lérez comezaron moi enchufadas o partido e abriron o marcador ao comezo do primeiro cuarto. Durante todo o partido foron por diante dop Leioa Waterpolo, cunha vantaxe de até catro goles, pero o equipo rival soubo dar a volta ao marcador colocándose cun gol ao seu favor a falta de pouco tempo para finalizar o partido.
O CW Pontevedra empata co Leioa Waterpolo a segundos do final
Cando quedaban 23″ para o final de partido, unha expulsión a favor propiciou un tempo morto para as locais e as xogadoras do Club Waterpolo Pontevedra foron capaces de empatar a falta de 2″ para o final o partido ante o Leioa Waterpolo.
Desta forma volveuse a vivir unha quenda de penaltis, onde de novo nosa porteira Alejandra Galegos detivo dous, posibilitando que a vitoria final caese ao lado do equipo galego.
Desta forma afiánzanse nesa cuarta praza unha semana máis mantendo a ilusión de poder optar a competir no grupo de arriba de face á seguinte fase.
A próxima semana terán un difícil desprazamento a Marbella para disputar a penúltima xornada fronte ao equipo Andaluz.
Declaracións de Alejandra Gallegos, porteira do CW Waterpolo, logo de gañar o partido co Leioa nos penalies
Ver esta publicación en Instagram
Declaracións de Aarón Tellería, segundo adestrador do Club Waterpolo Pontevedra logo do triunfo das galegas ante o Leioa WLB.
Ver esta publicación en Instagram
FICHA TÉCNICA
15) CLUB WATERPOLO PONTEVEDRA: Alejandra Galegos, Uxía Ferreira, Valentina Restrepo (3), Karla Hernández, Iria Amoedo, Rocío Ferreira, Sara Vanegas (4), Izaskun Tellería (1), Andrea Fernández, Carmen Carreira (3), Irene Esteban (2) e Andrea Andión (2).
13) LEIOA WLB: Ane Jaime, Uxue Hernández (1), Erika López (1), Dafne Bartolomeu, Miren Urizar (6), Haizea López, Ane Arana (3), Goizalde Urkiola (1), Marta Jaime (1), Amaia Capel, Haizea García e Garazi do Val.
PARCIAIS: 3-1, 3-2, 2-3, 3-5 e (4-2). MARCADOR FINAL: 15-13
EQUIPO ARBITRAL: Antonio Olle Dorca, Blai Perelló Castellví, Carlos Román Morales.
INCIDENCIAS: Encontro da 12ª xornada do Grupo A da Primera División do waterpolo feminino da RFEN disputado na piscina da Escola Naval de Marín. Consulta aquí a acta do partido na RFEN.
