Xa estaban en terras tinerfeñas, pero as lucenses do CV Arenal Emevé tiveron que regresar a Galicia sen xogar o seu partido desta xornada na Liga Ibedrola de Voleibol da RFEVB. A comunicación dun positivo por COVID-19 no conxunto lagunero do Sanaya Libby´s Club Voleibol Haris obriga a adiar o cruce coas canarias.
Deste xeito as loitadoras retornan á cidade da muralla sen poder disputar o encontro. Unha vez máis un positivo por coronavirus, fai aprazar un encontro deportivo nesta atípica campaña 2020 – 2021 na que todas as disciplinas deportivas acaban por rexistrar partidos pendentes de disputa.
Queda pendente de determinarse a data de celebración deste cruce co conxunto de San Cristobal de La Laguna. Desde o CV Arenal Emevé apuntaban que fora “unha pena que a confirmación non chegase antes de que a nosa expedición emprendese a súa viaxe. Desexamos a pronta e satisfactoria recuperación da xogadora de Haris, e que o brote quede neste único caso”.
|
Aplazado el encuentro entre el #SanayaLibbysLaLaguna y el @cvemevelugo
➡️https://t.co/oZs2z6otJU pic.twitter.com/KhUn27hFV7
— CV Haris (@CVHaris) December 11, 2020
As da Laguna xogaron esta mesma semana competición europea
Xustamente este mércores as branquiazuis do Sanaya Libby´s La Laguna dicían adeus á súa andaina nesta tempada na CEV Challenge Cup. As tinerfeñas que adestra Juan Diego García, non puideron dobregar ao Volei Alba Blaj nos octavos de final (3-0)
