O CV Emevé Lugo deixa practicamente pechado o seu plantel tralas incorporacións de Cassie Bujan e Natasha Valente, internacionais canadiense e brasileira respectivamente. Dende o club as considerana como reforzos de luxo para o equipo.
Cassandra ” Cassie” Bujan (Líbero, 1996) estará as ordes de José Valle esta tempada. A xogadora é internacional polo seu país, Canadá, e alcanzou coa súa selección os cuartos de final nos pasados Xogos Mundiais Universitarios.
O director deportivo do CV Emevé Lugo, Juan Villar, afirmou sobre Cassie Bujan: “é unha xogadora nova, pero con gran experiencia. Coa súa fichaxe téntase dar un salto de calidade na defensa do equipo, será a encargada de dirixir todo o noso xogo defensivo, toda a nosa recepción. Tennos que dar a pausa e a calma que necesita o noso equipo, que peca un pouco de mocidade e pode poñerse nervioso neste tipo de xogadas”.
Valente aportará a súa polivanencia ao CV Emevé Lugo
Natasha Valente (Oposta, 1989) tamén se une ao plantel co CV Emevé Lugo. A internacional brasileira chega ao equipo tras xogar nos mellores clubs do seu país e gañar os campionatos Paulista e Carioce. A pasada tempada viviu a súa primeira experiencia europea no NIS Spartak da Superliga Serbia e chega ao club lucense para aportar experiencia e polivalencia.
Natasha é un xogadora determinante na rede, tanto en ataque como en bloqueo, pero que tamén demostrou ser unha gran receptora. Todo un comodín para José Valle, que suma así unha nova internacional ao seu plantel.
Estas dúas xogadora súmanse as renovacións feitas en xuño co obxectivo de afrontar unha nova tempada en Primeira Divisón de Volei Feminino.
