O CRAT Residencia Rialta non estará, por primeira vez en cinco anos, no grupo de loita polo título de campioas da Liga Iberdrola. As herculinas caeron derrotadas na última xornada da primeira fase, ante o Eibar, polo que non teñen opcións de disputar o play-off polo título. Porén, competirán por salvarse, nunha segunda fase que comeza o 25 de abril.
Á fin da primeira parte da competición, as xogadoras que adestra o dúo conformado por Helen Roca e Jos Portos remataron na quinta posición. En total, as galegas sumaron tres vitorias fronte a catro derrotas, cun total de 14 puntos. Así, liderando a segunda metade da táboa, o CRAT xogarase a permanencia en tres partidos.
O CRAT queda fóra do ‘play-off’ polo título na Liga Iberdrola
O grupo do CRAT
As coruñesas xogarán nas próximas semanas contra o Olímpico de Pozuelo, o Sanse Scrum e o Les Abelles. O último deles descenderá á División de Honor B directamente e o penúltimo disputará unha promoción contra o Barcelona Universitari Club para salvarse.
O CRAT Residencia Rialta enfrontarase na primeira xornada desta segunda fase ao Sanse, o 25 de abril. Na seguinte xornada, o rival será o Olímpico e, en último lugar, o contrincante será o Les Abelles, xa o 9 de maio. Tendo en conta os partidos xa disputados, as galegas parten con nove puntos tras vencer 17-10 ao Sanse e 21-42 ao Olímpico, e con cinco de vantaxe sobre Les Abelles, ás que venceron por un 17-27.
📅 Ya tenemos calendario para el grupo por la permanencia en la
🏉 25 Abril 🚎 @SanseRugby
🏉 2 Mayo 🏠 @OlimpicoRugby
🏉 9 Mayo 🏠 @lesabellesrc📊 Así comenzamos en la clasificación de este grupo 👇
📷 @RugbyEnMadrid#ResistiendoDesde1976 pic.twitter.com/Ns0uu2mReq— C.R.A.T. A Coruña 😷 (@CRAT1976) April 12, 2021
