Un empate 20-20 diante do Sanse obriga ao CRAT a non ceder ningún punto diante dos seus rivais ata o final da competición regular para asegurarse un sitio no play-off polo título. As xogadoras que dirixen Jos Portos e Rogelio Sabio dependen aínda de si mesmas, pero quedan sen marxe para o error.
Dun día para outro, o CRAT pasou de soñar con subir varios postos na táboa a quedar sen opcións de ter un traspés se queren asegurarse un sitio no Top4 ao termo da competición regular. Os cruces entre rivais da zona alta da táboa clasificatoria permítenlles depender do seu propio acerto. Pero este empate lles obriga a non baixar a guardia en ningún momento se queren loitar polo título de Liga.
Jos Portos, adestrador do CRAT Residencia Rialta: “Non temos marxe para o erro”
As galegas remataron o partido decepcionadas, así o admitía Jos Portos, membro do equipo técnico do CRAT Residencia Rialta: “O resultado é unha pequena decepción por que o tiñamos aí. Queda seguir loitando os dous partidos que quedan. Non temos cabida a erros”.
“Foi un partido moi igualado. Empezamos nós por diante, logo elas, logo outra vez nós. E a seis minutos do final chegou o empate. Foron pequeños erros máis que tino do rival. Cometemos moitas faltas e deixamos que se viñeran arriba”, analiza o adestrador Jos Porto.
Jos Portos, adestrador do CRAT Residencia Rialta: “Foi un partido moi igualado. Empezamos nós por diante, logo elas, logo outra vez nós. E a seis minutos do final chegou o empate. Foron pequeños erros máis que tino do rival. Cometemos moitas faltas e deixamos que se viñeran arriba
Por diante, as coruñesas teñen dous partidos, serán contra do C.R. Olímpico de Pozuelo no Valle de las Cañas e co Crealia El Salvador en Elviña na última xornada. Todos eles os terán que contabilizar como triunfos se queren estar na pugna polo título da Liga Iberdrola este ano.
FICHA TÉCNICA
CRAT RESIDENCIA RIALTA (20): Judith Hernández, Claudia Arranz, Victoria Meki, Belén Martín, María Vega, Sara Gutiérrez, Paula Medín, Mónica Castelo, Maceiras, Ana Iglesias, Maitane Buján, Elsa Porto, Mariana Romero, Turena Mikaela Lorie e Joana Murray. Tamén xogaron: Micaela Martínez e Yanka Almeida.
SANSE SCRUM (20): Adriana Vega, Itziar García, Meral Acarlioglu, Bea García, Ruth Hernando, María Casado, Patricia Rodríguez, Ángela del Pan, Teresa Casado, Marina Galán, Alba García, Arantzazu Olabarría, Beatriz Domínguez, Blanca Die e Carolina Alfaro. Tamén xogaron: Mónica Iturrioz, Elena Martínez, Nadina Cisa, María del Mar Escusa, María Ribera e Ame Durán.
ÁRBITRO: Andrés Rodríguez. Expulsou polas locais a Mariana Romero, e polas visitantes a Nadina Cisa e Ame Durán.
INCIDENCIAS: Duodécima xornada da Liga Iberdrola. Estadio de Elviña.
MARCADOR:
Min. 8; Ensaio de María Vega.
Min. 16; Golpe de castigo de Mariana Galán.
Min. 24; Ensaio de Ángela del Pan.
Min. 30; Ensaio de Elsa Porto.
Min. 45; Ensaio de Mariana Romero.
Min. 60; Ensaio de Arantzazu Olabarría
Min. 61; Transformación de Arantzazu Olabarría
Min. 68; Ensaio de Mariana Romero.
Min. 74; Ensaio de Nadina Cisa.
