Despois do parón provocado pola convocatoria das Leonas, volve o rugby á Liga Iberdrola e con el a quinta xornada que enfronta ao CRAT Residencia Rialta co CR Majadahonda. A cita será este domingo, 7 de marzo, ás 11:30 horas.
Para este novo duelo todos os equipos recuperan ás súas xogadoras internacionais. O cambio de plans do World Rubgy apraza a copa do mundo prevista para este verán ata o ano 2022, polo que se suspenderon os partidos das Leonas.
O CRAT compite contra o rival máis duro
Para este domingo, o CRAT tamén contará coas súas internacionais un mes despois. Un dato importante, dado que xogará contra o rival máis en forma da categoría. O Majadahonda lidera invicto na competición.
O amplo plantel das madrileñas, moi surtido pola súa prolífera canteira, permítelles ser un conxunto moi completo. Férreo na dianteira e veloz e técnico nos tres cuartos.
Por estes motivos, no CRAT as xogadoras son conscientes da importancia de xogar ao 100%. As enerxías poranse tanto nunha inflexible defensa, como nun ataque efectivo, corrixindo os erros que se puideron ver no último partido en Elviña ante o Cisneros.
O conxunto ás ordes de Helen Roca e Jos Portos ten varias baixas importantes, pero se mostra optimista e forte cara este encontro. Pase o que pase no campo das madrileñas, o CRAT quedará entre os cuatro primeiros, así que o obxectivo está cumprido.
