Tiñan que gañar e gañaron. Era preciso facelo con bonus e non decepcionaron. As xogadoras do CRAT fixeron os deberes, pero foi sobre a campá así que queda saber agora o que fai o resto da clase. As galegas están pendentes dos resultados de Sanse e Majadahonda para saber se a alegría é completa nesta última xornada da fase regular na Liga Iberdrola de rugby.
O CRAT esperta no Top4 pero está por ver se ao final da xornada segue ocupando un deses postos anhelados polas deportistas galegas. Onte, impuxéronse ao El Salvador, colista descendido que pelexou con honra, pero non puido facer moito diante dun CRAT que saíu con todo.
As actuais campionas queren entrar no play-off polo título de Liga, unha fase competitiva á que so poderán acceder os catro primeiros equipos clasificados na liga regular na Iberdrola.
Esta mañá de domingo será de televisións para as galegas que terán un ollo posto no cruce do Sanse Scrum co Olímpico Pozuelo (precisan que non gañe con bonus) e outro no do Majadahonda contra o Complutense Cisneros , que ten que caer tamén sen acadar bonus. Ambos partidos trasmítense vía internet.
En Elviña o CRAT Residencia Rialta fixo ante o Crealia El Salvador un fantástico traballo en defensa, pero tamén en ataque.
No deporte, sempre que hai vencedoras, hai vencidas. Así que se no CRAT se acaba o partido con ilusión e esperanzas de soñar co máis alto, no outro lado, o Crealia El Salvador, despedíase da máxima categoría dando unha boa imaxe pese ao resultado. As vallisoletanas non competirán la Liga Iberdrola na próxima tempada.
FICHA TÉCNICA:
CRAT RESIDENCIA RIALTA: Judith Hernández, Claudia Arranz, Victoria Meki, Belén Martín, María Vega, Alicia San Martín, Paula Medín (C ), Mónica Castelo; Alba Rubial, Ana Iglesias, Yanka Almeida, Elsa Porto, Maitane Buján, Jessica Martín e Joana Murray.
Tamén xogaron: Paula Burillo, Carmen Padín, Aurora Redondo, Alejandra Fernández e Turena Lorie.
CREALIA EL SALVADOR: Isabel Martí, Sandra Ocáriz, Mónica Tascón, Beatriz Rivera, Leticia Suazo, Gema Pérez, Carmen Pérez, Joée Lavergnat; Lucía Diego, Hannah Stolba, Leire Muñoz, Elisa Castro, Carmen Carmona, Nichole Wanamaker y Paloma Bertolín.
Tamén xogaron: Edna Guerra, Bárbara Bernardos, Alba Alpín, Irene Alonso e Inés Álvarez.
MARCADOR:
Min. 7 Ensaio de Belén Martín
Min. 7 Transforma Ana Iglesias.
Min. 18 Ensaio de Mónica Castelo.
Min. 40 Drop de Ana Iglesias.
Min. 43 Ensaio de Paula Medín
Min. 43 Transforma Ana Iglesias.
Min. 50 Ensaio de Yanka Almeida.
Min. 60 Ensaio de Jessica Martín
Min. 60 Transforma Ana Iglesias.
Min. 65 Ensaio de Turena Lorie.
Min. 68 Ensaio de Carmen Pérez
Min. 69 Transforma Hannah Stolba.
ÁRBITRO: Santiago Castro. Non amosou tarxetas.
INCIDENCIAS: Partido correspondente á xornada 14 da Liga Iberdrola de Rugby femino disputado no campo de Elviña na Coruña.
