Depender dunha mesma, ou pola contra ter que sumarlle á ecuación o que fagan outras limita as posibilidades de toda deportista. O CRAT Residencia Rialta tivoo na man. De feito acariñou a posibilidade. Pero por moito que loitou nos últimos compases do seu cruce co Olímpico Pozuelo por a cadar un bonus que lle dese a chave do Top4, a oportunidade esvaeceuselle. O resultado final, pese a ser un triunfo por 22-34, non abondaba ás galegas.
As xogadoras que adestra a dupla conformada por Jos Portos e Rogelio Sabio estivo moi preto de conseguir chegar á última xornada de Liga co seu pase á final a catro dependendo so delas. Pero finalmente terán que gañar, non lles queda outra, e mirar de reollo os resultados que se colleiten noutras canchas.
Nos minutos finais do partido desta fin de semana as galegas víron como o Olímpico Pozuelo se beneficiaba da ausencia de Murray e reducía distancias no marcador con dous ensaios. Dun 12-27 o tanteo chegou a un 22-27. O partido volveuse un pouco tolo nese momento e houbo que poñerlle cabeza.
Puxéronse as pilas as coruñesas do CRAT Residencia Rialta e asinaron un ensaio (22-32) e unha transformación (22-34) para volver a marcar distancias co Olímpico Pozuelo.
Desde a banda selle lembraba ás xogadoras que o bonus era un obxectivo de vital importancia. Un hito capital para non depender máis que delas mesmas. Pero a sorte foi esquiva a un CRAT Residencia Rialta que o intentou, literalmente, ata o último segundo de partido. Xusto aí, Alevín Medín estivo a piques de anotar un ensaio pero o colexiado pitou o final e as coruñesas quedaron sen poder sumar o ansiado bonus.
Unha xornada final, decisiva para o CRAT
Agora as galegas son quintas e están ás portas da cuarta praza e, polo tanto, da final a catro na que se disputará o título de Liga. Xa na previa do encontro, o técnico Jos Portos advertía que so había unha opción: gañar. Pero nin así foi suficiente.
O sábado 29 ás 17:00 horas Elviña acollerá un partido en forma de final para as galegas. O CRAT Residencia RIALTA deberá vencer ao Crealia El Salvador en Elviña (A Coruña) se quere estar na Final4. Pero non abondará se non o fai con bonus. O rival, xa descendido, e cun único partido gañado, non debera ser un atranco imposible de solventar para as coruñesas.
Ademais o Sanse Scrum RC non debe gañar ou polo menos non sumar bonus ante o Olímpico Pozuelo (domingo 1 ás 12:00 horas). A outra opción é que o Majadahonda perda co Cisneros sen bonus (domingo 1 ás 12:00 horas).
FICHA TÉCNICA
OLÍMPICO POZUELO: Beatriz Sanjurjo, Emilia Navarro, Sidorella Bracic, Miriam Vega, Irene Garrido, Marta Iglesias, Amanda Prado, IRene Schiavon, Natalia Ortega, Sabina Hurtado, Ana Marina Sánchez, Paloma Cabezas, Luz Mª Martín e Lera Echebarría.
Tamén xogaron: MAría del Castillo, Marina Benito, Beatriz Cabo e Marta Renedo.
CRAT RESIDENCIA RIALTA: Judith Hernández, Claudia Arranz, Meki Victoria, Belén Martín, María Vega, Sara Gutiérrez, Paula Medín, Mónica Castelo, Alba Rubial, Micaela Martínez, Elsa Porto, Mariana Romero, Jessica Martin e Joana Murray.
Tamén xogaron: Alicia San Martín, Turena Lorie e Yanka Almeida.
ÁRBITRO: Fernando Raposo. Expulsó temporalmente a Mariana Romero (27′) por falta reiterada e a Joana Murray (57′)por xogo suxo.
MARCADOR:
Min. 2; Ensaio de Judith Hernández.
Min. 7; Ensaio de Claudia Arranz.
Min. 15; Ensaio de Natalia Ortega.
Min. 15; Transformación de Ana Marina Sánchez.
Min. 29; Ensaio de Lera Echebarría.
Min. 33; Ensaio de Joana Murray.
Min. 33; Transformación de Joana Murray.
Min. 42; Ensaio de Victoria Meki.
Min. 47; Ensaio de Victoria Meki.
Min. 64; Ensaio de Ana Marina Sánchez.
Min. 67; Ensaio de Lera Echebarría.
Min. 75; Ensaio de Victoria Meki.
Min. 75; Transformación de 16.
