O CRAT Residencia Rialta está salvado e seguirá militando na Liga Iberdrola, pero aínda ten un duelo pendente para dicir adeus á tempada. As coruñesas recibirán en Acea de Má ao Les Abelles, nun partido previsto para este domingo, 9 de maio, ás 12:00 horas.
Les Abelles foi precisamente o único rival capaz de gañar ás galegas nesta segunda fase da competición, que decide que equipos descenden de categoría. O equipo valenciano é o actual colista da clasificación polo que non poderá seguir competindo na máxima categoría na próxima tempada.
O partido do CRAT nesta xornada servirá para poñer o broche final a unha tempada complicada e despedir os campos cun bo sabor de boca. Sen nada en xogo, este duelo terá a única finalidade de desfrutar do deporte oval.
