O CRAT Residencia Rialta comeza o curso con mal pé. As coruñesas non contarán nesta tempada con dúas pezas clave, como son Mona Castelo e Elsa Porto, e na primeira xornada tiñan como rival ao todopoderoso Complutense Cisneros. Cun 7-15 final, as galegas perderon o partido.
O equipo das coruñesas comezou co marcador en contra, cun puntapié de castigo de Inés Bueso por parte das visitantes que poñía o 0-3 no marcador. Sete minutos despois, cando o encontro xa superaba o cuarto de hora, o CRAT organizouse para adiantarse no marcador. O ensaio de Tania Martínez foi transformado pro Ana Iglesias, poñendo ás herculinas por diante cun 7-3.
O CRAT seguiu dominando durante a primeira media hora de partido, pero co paso dos minutos as madrileñas collían forza, aproveitando a expulsión d e Fontanarrosa no 22. Alba María Alonso anotaba cun ensaio que sería transformado por unha certeira Inés Bueso, dando xa unha vantaxe de tres puntos ás visitantes.
O encontro pecharíase cun novo ensaio do equipo madrileño, desta vez obra de Alba Vinuesa para afianzar a vitoria visitante.
Con este resultado, as galegas son sétimas na clasificación, con cero puntos.
FICHA TÉCNICA
CRAT RESIDENCIA RIALTA (7): Leis, Roig, Martí, Bianchi, Vega, Montero, Bujan, Medín (capitá), Iglesias, Fontanarrosa, Martin, Barrio, Huarte, Martínez e Jiménez. Tamén xogaron: Martínez, Anidos, Murillo, Fernández, Salinas e Alcoleas.
COMPLUTENSE CISNEROS (15): López, Pozo, Malagón, Alonso, García, Blanco, Vila, Gil, Amo, Bueso-Inchausti, Vinuesa, Olabarría, Bargues, Pérez. Tamén xogaron: Alonso, El-Ammouri, Del Pino, Heredero, Calvo, Hamze, Álvarez e Urbizu.
MARCADOR:
Min 8; 0-3 Puntapié de castigo de Inés Bueso-Inchausti
Min 15; 7-3 Ensaio de Tania Martínez transformado por Ana Iglesias
Min 29; 7-10 Ensaio de Alba María Alonso transformado por Inés Bueso
Min 60; 7-15 Ensaio de Alba Vinuesa
ÁRBITROS: David Castro. Expulsou a Isabel Fontanarrosa do CRAT, e a Ana Vila do Complutense.
INCIDENCIAS: Primeiro partido da tempada da Liga Iberdrola de rugby disputado nos terreos de xogo da USC en Elviña (A Coruña).
