Esta fin de semana o campo universitario de Elviña acolleu un dos grandes partidos de rugbi femenino para gozar en vivo en España. Entre ambos contrincantes, o CRAT e o Olímpico de Pozuelo, gañadores de cinco dos seis últimos títulos nacionais disputados.
O conxunto herculino demostrou ser un equipo de pleno rexurdimento e firmou a su terceira victoria consecutiva (29-14), quedando a dous puntos dos catro postos de play off polo título. Neste intre, o CRAT é quinto, con dezasete, xusto por detrás de Cisneros e as Cocodrilas (dezanove puntos cada un), desputadas xa seis das catorce xornadas da liga regular. Este triunfo abre unha brecha co Olímpico, seu inmediato perseguidor.
Tendo en conta os resultados xerais da Liga Iberdrola, son o segundo equipo que máis veces posa o oval na línea de marca (25), só por detrás do Majadahonda (31). Ademáis, Joana Murray é a xogadora que conta con máis ensaios anotados (6).
As xogadoras do CRAT afrontarán o seu próximo compromiso da máxima categoría o sábado ás catro da tarde visitando no campo Pepe Rojo ao colista, El Salvador.
FICHA TÉCNICA
CRAT (29): Victoria Meki, Arranz, Kate Matau, Belén, María Vega, Sara, Paula Medín, Judith, Alba, Ana Iglesias, Yanka, Elsa, Mariana, Jessica, Joana Murray. Tamén xogaron Paula, Alicia, Micaela e Turena.
OLÍMPICO DE POZUELO (14): Tania, Emilia, Sirodella, Amanda, Miriam, Marina, Beatriz, Cristina, Natalia, Irene, Laura Sabina, Luz, Nora, Ana Marina. Tamén xogaron Del Castillo, Zafra, Hanna, Yaiza, Pisonero, Lemaitre e Renedo.
MARCADOR: 5-0, min 16: Ensaio de Joana; 5-3, min 22: Puntapé de castigo de Ana Marina; 10-3, min 24: Ensayo de Jessica; 10-6 min 27: Puntapé de castigo de Ana Marina; 17-6, min 31: Ensaio de Sara transformado por Ana; 17-9, min 37: Puntapé de castigo de Ana Marina; 24-9, min 61: Ensaio de Mariana trnasformado por Alicia; 24-14, min 70: Ensaio de Amanda; 29-14: Ensaio de Victoria Meki.
ÁRBITRA: Santiago Castro. Expulsou temporalmente a Judith (min 20) e a Jessica (min 57).
INCIDENCIAS: Partido da sexta xornada da Liga Iberdrola desputado no campo Universitario de Elviña.
