O CRAT marchou con chuvia da Coruña e atopouse o mesmo panorama en Alcobendas onde afrontou un partido crucial para as súas aspiracións de manter a categoría. O rival ao que visitaron as pupilas do dúo conformado por Helen Roca e Jos Porto foi o Sanse Scrum RC. O resultado, 19-21 a prol das galegas.
Tanto as locais como as visitantes eran conscientes da importancia do partido no que habían de medir forzas esta fin de semana. Seguramente dos máis importantes da tempada.
Tras unha primeira volta na que o CRAT Residencia Rialta conseguía unha cómoda quinta posición, lonxe en puntos dos últimos lugares da competición, o sistema de liga coloca ás galegas encadradas na pelexa por evitar descenso. Nesa lea apertaba o conxunto herculino vese excesivamente esixido ao só ter en conta os resultados até a data entre os equipos encadrados nesta loita. Digamos que o arrastre de puntos non favorece ás coruñesas.
Durante a primeira metade do choque entre Sanse Scrum RC e CRAT Residencia Rialta, a tensión debido ao transcendental do encontro era palpable. Aparte dun ensaio temperán das locais, o dominio territorial foi do CRAT Residencia Rialta. Con todo, esta vantaxe de espazo non se materializaba en nada positivo para as herculinas, xa que as perdidas de posesión e erros eran unha constante para ambos os equipos e o partido non fluía.
O descanso serviu para cambiar a tónica do encontro por completo. Aínda que a sensación de transcendencia do encontro era evidente, ambos os equipos conseguiron ganduxar mellores xogadas e reducir os seus erros, convertendo o encontro nun duelo igualmente pelexado, pero moito máis dinámico.
Anita Iglesias, transformou ate tres ensaios
Finalmente, o contar cunha das mellores pateadoras da liga Iberdrola de rugby serviu para decantar a balanza, xa que, a igualdade de ensaios, o CRAT Residencia Rialta logrou unha transformación a paus máis co seu rival neste encontro.
Aínda que se puideron ver detalles interesantes no partido, como a gran actitude do equipo nos momentos difíciles ou a gran melloría en melé, o mellor sen dúbida da xornada son o catro puntos sumados xa que, como di o refrán, as finais máis que xogalas hai que gañalas e, este partido era practicamente unha final pola diferenza enorme que separaba a derrota e a vitoria.
No cruce entre o CR Olímpico de Pozuelo e CP Les Abelles a vitoria foi para as locais 13-11. A vindeira semana vanse ver as caras Sanse Scrum e Les Abelles, o partido pode ser un duelo crucial na loita por manter a praza na Liga Iberdrola de Rugby o vindeiro curso 2021-22..
Revive o partido entre Sanse Scrum RC e o CRAT Residencia Rialta
FICHA TÉCNICA
19) SANSE SCRUM R.C.: Ana Chicote, Meral Acarlioglu, Ainhoa Sainero, Edris Acuña, Ruth Hernando, Elena Jiménez, Paula Canales, Patricia Rodríguez, Ingrid Algar, Teresa Casado, Nuria Escalera, Carolina Alfaro, Beatriz Domínguez, Alba García e Ines Palomo. Tamén xogaron: Adriana Vega, María Rivas e Amelia Durán
21) CRAT RESIDENCIA RIALTA: Miriam Roig, Claudia Arránz, Maica Martí, Ana Montero, María Vega, Divi Leis, Alicia San martín, Mónica Castelo, Alba Lalín, Anita Iglesias, Jess martín, Paz Marín, Claudia Barrio, Lucia Hurtado e Paula Requena. Tamén xogaron: Paula Burillo, Maisie James e Maitane Buján.
MARCADOR:
Min 10; 5-0 Ensaio de Carolina Alfaro
Min 44; 5-7 Ensaio de Claudia Arránz transformado por Anita Iglesias
Min 49; 5-14 Ensaio de Claudia Barrio transformado por Anita Iglesias
Min 55; 12-14 Ensaio de Ines Palomo transformado por Carolina Alfaro
Min 59; 19-14 Ensaio de Ingrid Algar transformado por Carolina Alfaro
Min 58; 19-21 Ensaio de Alicia San Martín transformado por Anita Iglesias
ÁRBITRO: José Luis Murillo. Expulsou temporalmente polo Sanse Scrum RC a Meral Acarlioglu no minuto 63 por falta reiterada de equipo.
INCIDENCIAS: Partido correspondente á xornada oitaba na Liga Iberdrola de Rugby Grupo 2 disputado na cancha Las Terrazas de Alcobendas con chuvia.
👉Ya está disponible en nuestra web la crónica del partido de hoy de 🏆 @DHIberdrola contra @SanseRugby
🗞️ ” Victoria clave” https://t.co/QaDYsXAv6q
👌 Con Claudia Arranz como la jugadora @estrellagalicia de esta sufrida victoria#ResistiendoDesde1976 #FamiliaCRAT pic.twitter.com/e3TnLyRyM5
— C.R.A.T. A Coruña 😷 (@CRAT1976) April 25, 2021