- O pavillón polideportivo de San Marcos, no concello coruñés de Abegondo acollía hoxe a Final 4 da Liga Galega de balonmán mixto na categoría alevín.
O polideportivo municipal de Abegondo acolleu hoxe, sábado 5 de xuño, a festa do balonmán alevín de Galicia. O recinto foi a sede a Final 4 da liga galega en categoría mixto 7 da Federación Galega de Balonmán.
Participaron o club local, Abegondo Todo Deporte, o vigués Nutrendo Seis do Nadal, a A.D. Carballal, e o lucenses CP Lucense Masculino. Foi precisamente este último club o que resultou campión ao imporse na final fronte ao Abegondo, subcampión, nun partido que o conxunto da cidade da muralla venceu por un axustado 9 a 7. O equipo local está adestrado por Lida Rodiles García.
A terceira praza foi para o Nutrendo Seis do Nadal, que gañou no terceiro e cuarto posto a AD Carballal por 9 a 7 tamén. Previamente, nas semifinais, o Abegondo gañou 11 a 5 ao Nutrendo e o Lucense 12 a 4 ao Carballal.
O alcalde do Concello de Abegondo, José Antonio Santiso, foi o encargado da entrega dos trofeos ao termo da competición. O rexedor felicitou aos pequenos do catro clubs pola súa entrega e exemplo
