A AD Cortegada está a vivir un momento doce, pero no que non se pode acomodar. Dúas vitorias consecutivas o mantén con vida na loita por permanecer na Liga Feminina 2, pero co igualado da competición, un tropezo pode convertirse en descenso. Por iso, deberán dalo todo na pista do Extremadura Miravalle Plasencia, equipo ao que visitan o sábado, 20 de febreiro, ás 18:30 horas.
Esta 21ª xornada de liga, no tramo final da competición, pode ser determinante para o futuro azulón. Cun balance de cinco vitorias e 14 derrotas, as de Vilagarcía son antepenúltimas, empatadas co Arxil (13º) e cun punto menos que o Rosalía (11º) e ADBA (10º).
Porén, o Cortegada chega coa forza e motivación que da vencer ante un rival a priori superior, como é o GDKO Ibaizabal, nun partido non que mantivo o pulso durante os 40 minutos e foi necesario un tempo extra para decidir ao vencedor.
Distinta sorte correo a pasada fin de semana o Miralvalle. Malia sumar dous partidos gañados de maneira consecutiva atendendo ás últimas xornadas, coa recuperación da décimo oitava ante o Celta Zorka Recalvi as extremeñas volveron vivir unha derrota.
Este foi un partido moi determinante na zona alta da táboa, xa que con este trunfo o Celta supera en basketaverage ao Miralvalle. Previsiblemente, co partido en casa deste sábado ante o Cortegada as extremeñas buscarán desquitarse da sensación de derrota.
A quenes si venceron as que serán locais esta fin de semana foi ao Arxil, cun 49-60 e case enterrando ás pontevedresas no final da clasificación. Un resultado favorecedor para o propio Cortegada, que ademais de ver como perdía un rival directo pode aproveitar o cansancio acumulado nas filas do Miralvalle por esta dobre cita en dous días.
O Arxil cae á penúltima posición coa terceira derrota consecutiva (49-60)
Como debe vencer o Cortegada ao Miralvalle?
O Celta aproveitou o seu amplo banco para facer máis rotacións e agotar ao Miralvalle, o que le valeu unha vitoria. O Cortegada previsiblemente non poderá utilizar esta táctica, ao ter un plantel similar en cantidade ás extremeñas.
Porén, no que si poden confiar as galegas é no tiro libre. O equipo de Vilagarcía ten unha media dun 70,7% de efectividade desde a liña de tiro libre, fronte ao 67,6% rival. Ademais, este foi un factor clave na última vitoria das azulonas, xa que no partido ante o Ibaizabal a súa efecitividade foi dun 95%.
Agora, as de Nogueira deberán traballar tamén ben desde a defensa, vixiando atentamente a Princess Aghayere, a terceira máxima anotadora da categoría. Á súa vez, o balón deberá pasar polas mans de Sara Gómez, a xogadora con máis acerto baixo o aro no Cortegada, con máis de 230 puntos asinados.
Na ida o encontro foi para o Miralvalle, cun 66-74 no que destacou Robertson como a MVP con 34 créditos valorativos.
O partido, como de costume, retransmitirase vía streaming no Canal FEB.
