Non foi a semana da AD Cortegada. Despois dunha dura derrota contra o Ulla Oil Rosalía , naquel momento colista da competición, as xogadoras dirixidas por Rubén Domínguez volveron caer en casa. Desta vez foi ante o terceiro clasificado, un Extremadura Miralvalle Plasencia que acumula xa 13 puntos na súa primeira tempada na competición.
A Cortegada mellorou o seu xogo e comezou adxudicándose o primeiro cuarto ante un rival que se previa superior. A parella formada por Saric e Sedlakova guiou ao conxunto de Vilagarcía, que acabarían anotando 16 puntos nesta primeira parte.
A tónica do partido mudou para o segundo parcial, no que as extremeñas impuxeron o seu xogo grazas á actuación de Robertson, quen remataría por ser a MVP do partido, con 20 puntos anotados e 27 de valoración.
Cun 36-38 ao descanso, a Cortegada quiso ir pola vitoria pero os seus intentos naufragaron. Malia resistir no terceiro cuarto, logrando un empate de puntos, finalmente o Miralvalle fíxose co encontro no último tempo asinando un 66-74 ao seu favor.
FICHA TÉCNICA
66) AD CORTEGADA : Patricia Vicente (12), Cristina Loureiro (11), Sara Gómez (15), Teodora Saric (12), Tereza Sedlakova (13) -cinco inicial-. Tamén xogaron: Zeltia Presas (-), Lorena Castro (-), Sofía Blanco (-), Miriam García (2) e María González (-).
74) EXTREMADURA MIRALVALLE PLASENCIA: Alicia Morales (8), Sofía Ainsa (3), Timawe Weledji (17), Princess Aghayere (8) y Stacia Robertson (20) -cinco inicial-. Tamén xogaron: Andrea Cueva (14), Rosa Garrido (2), Natalia Pizarro e Celia Rodríguez (2).
PARCIAIS: 20-18, 16-20, 18-18 e 12-18.
ÁRBITROS: Diego Fernández e Adrián Pérez.
INCIDENCIAS: Partido correspondente á oitava xornada da Liga Feminina 2 disputado no pavillón municipal Fontecarmoa 1 en Vilagarcía.
