O Gatañal acolleu a disputa da Copa Galicia 2021 da Federación Galega de Balonmán, da cal o Conservas Orbe Rubensa Porriño alzouse co título. Vencendo ao SAR Rodavigo por un 36-19, as vermellas foron superiores e fixéronse coa copa.
Tal e como informa a Federación, a final feminina enfrontaba ao dous conxuntos das Rías Baixas nun partido con claro dominio das rapazas de Abel Estévez. O Porriño non cedeu en ningún momento ante as viguesas, distnaciándose no marcador desde os primeiros minutos.
Cando chegou o tempo de descanso, as conserveiras xa vencían por un 13-4, unha distancia que aumentou co paso dos minutos, rematando o encontro no 36-19 final. Neste duelo, a mellor xogadora foi Claudia Kaulback, do Porriño, e a mellor porteira a súa compañeira Begoña Otero.
Con esta vitoria, o club remata as competicións galegas con éxito, ao ter vencido tamén na Supercopa Galicia ante o Atlético Guardés.
O Porriño conquista a Supercopa Galicia diante o Mecalia Atlético Guardés (27-28)
Na final masculina, enfrontáronse o Forbe Reconquista de Vigo e o Granitos Ibéricos Carballal, nun derbi vigués que se decantou para os primeiros nun 26-21 final.
