O Pescados Rubén Burela segue de celebración tras defender o seu título de campioas da Copa da Raíña. As futbolistas trouxeron o trofeo a casa e o Concello de Burela recibiunas por todo o alto.
A capitá Peque declarou no acto que “este título é parte de todos vós tamén. Grazas por ser parte da nosa familia; todas nos sentimos na casa e iso só ocorre en Burela. Brindádesnos un gran sentimento de pertenza á vila, ao voso día a día”, agradecéndolle a afección o seu apoio constante.
Peque: “Grazas por ser parte da nosa familia; todas nos sentimos na casa e iso só ocorre en Burela”
Las #GuerreirasLaranxas se confiesan tras ganar la 4️⃣ #CopaDeLaReinaFutsal
@pgmota7: ” ́ ́” pic.twitter.com/jbIfb9Mw9J
— Pescados Rubén Burela FS (@burelafs) May 4, 2021
Na recepción estivo tamén o alcalde, Alfredo Llano, acompañado de varios concelleiros e parte das seguidoras das Guerreiras Laranxas. Toda a localidade festexou a terceira Copa da Raíña obtida de maneira consecutiva e a cuarta da historia do club.
O rexidor mostrou o orgullo polo equipo burelista: “Este é un pequeno recoñecemento ao esforzo, ao compromiso, a un club que é un exemplo claro de como se deben facer as cousas. Estamos moi orgullosos de vós non só deportivamente senón pola visibilidade que ten Burela grazas aos vosos logros”, declarou.
Alfredo Llano: “Estamos moi orgullosos de vós non só deportivamente senón pola visibilidade que ten Burela grazas aos vosos logros”
Pola súa banda, o presidente do club Manuel Blanco agradeceu todas as mostras de agarimo e apoio e felicitou ás súas futbolistas “polo gran traballo durante toda a tempada e por dar unha gran lección na Copa de como debe ser un gran equipo”.
